ບົດລາຍງານ "ສະຖານະການ ແລະ ຈ້ອງມອງເສດຖະກິດໂລກປີ 2018" ສະບັບປັບປຸງ ທີ່ອົງການສະຫະປະຊາຊາດເຜີຍແຜ່ໃນວັນທີ 17 ພຶດສະພານີ້ຄາດວ່າ, ຈັງຫວະການເຕີບໂຕເສດຖະກິດໂລກໃນປີນີ້ ແລະ ປີໜ້າຈະບັນລຸ 3,2%, ຕ່າງກໍໄດ້ປັບຂຶ້ນ 0,2% ແລະ 0,1%.
ບົດລາຍງານຊີ້ອອກວ່າ, ສະຖານະການການຄ້ານັບມື້ເຄັ່ງຕຶງ, ນະໂຍບາຍເງິນຕາມີລັກສະນະບໍ່ແນ່ນອນເພີ່ມຂຶ້ນ, ລະດັບໜີ້ສິນເພີ່ມຂຶ້ນ ແລະ ສະຖານະການການເມືອງບາງພາກພື້ນດຸເດືອດຂຶ້ນ ອາດຈະກີດຂວາງການເຕີບໂຕຂອງເສດຖະກິດ.
ບົດລາຍງານເຕືອນວ່າ, ບາງປະເທດໄດ້ຕັ້ງກຳແພງການຄ້າ ແລະ ໃຊ້ມາດຕະການຕອບໂຕ້ຄືນ ຈະເປັນໄພຂົ່ມຂູ່ຕໍ່ຄວາມແຮງ ແລະ ຄວາມຕໍ່ເນື່ອງດ້ານການເຕີບໂຕຂອງເສດຖະກິດໂລກ ເຊິ່ງອາດຈະເປັນຜົນກະທົບທາງລົບຕໍ່ເສດຖະກິດທົ່ວໂລກ.
 |
