ທ່ານໂດນັນ ທຣຳ ປະທານາທິບໍດີອາເມລິກາກ່າວໃນວັນທີ 17 ພຶດສະພານີ້ ຢູ່ທຳນຽບຂາວວ່າ, ການພົບປະລະຫວ່າງຜູ້ນຳອາເມລິກາ-ສປປເກົາຫຼີທີ່ກຳນົດມາແລ້ວນັ້ນບໍ່ມີການປ່ຽນແປງແຕ່ຢ່າງໃດ, ອາເມລິກາກໍ່ບໍ່ໄດ້ຮັບຂ່າວກ່ຽວກັບການເກີດມີການປ່ຽນແປງ. ປັດຈຸບັນ, ອາເມລິກາ ແລະ ສປປເກົາຫຼີກຳລັງແລກປ່ຽນກັນກ່ຽວກັບສະຖານທີ່ ແລະ ຮູບການຂອງການພົບປະເປັນຕົ້ນ.
ຂ່າວແຈ້ງຕື່ມວ່າ,ມື້ດຽວກັນ,ທ່ານທຣຳໄດ້ພົບປະກັບທ່ານເຈນສ໌ ສະໂຕນເຕນເບີກ ເລຂາທິການໃຫຍ່ນາໂຕໂອກາດມາຢາມ ແລະ ກ່າວວ່າ, ອາເມລິກາບໍ່ຢາກໂກປີ "ຮູບແບບຣີບີ" ຢູ່ສປປເກົາຫຼີ. ກ່ອນໜ້ານີ້, ທ່ານທຣຳໄດ້ປະກາດຈະ ພົບປະກັບທ່ານກິມເຈິງອຸນ ຜູ້ນຳສູງສຸດສປປເກົາຫຼີຢູ່ສິງກະໂປໃນວັນທີ 12 ມິຖຸນາໜ້ານີ້.
