ລັດຖະບານກູບາຢືນຢັນໃນວັນທີ 19 ພຶດສະພານີ້ວ່າ: ອຸບັດເຫດເຮືອບິນໂດຍສານຕົກທີ່ເກີດຂຶ້ນໃນວັນທີ 18 ພຶດສະພານີ້ໄດ້ເຮັດໃຫ້ມີຜູ້ເສຍຊີວິດ 110 ຄົນແລະຜູ້ລອດຊີວິດ 3 ຄົນບາດເຈັບສາຫັດ.
ລັດຖະມົນຕີກະຊວງຂົນສົ່ງກູບາກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນຕອນບ່າຍວັນທີ 19 ພຶດສະພານີ້ວ່າ: ຜູ້ເສຍຊີວິດ 110 ຄົນໃນອຸບັດເຫດຄັ້ງນີ້ ມີຊາວກູບາ 99 ຄົນ, ຊາວຕ່າງປະເທດ 11 ຄົນ ເຊິ່ງລວມທັງຈຸການບິນຊາວແມັກຊິກ 6 ຄົນ ແລະຜູ້ໂດຍສານຊາວແມັກຊິກ 1 ຄົນ, ຊາວອາກຊັງຕີນ 2 ຄົນແລະຊາວຕ່າງປະເທດສອງຄົນທີ່ດຳລົງຊີວິດຊົ່ວຄາວຢູ່ກູບາ.
ສົບຜູ້ເສຍຊີວິດທັງໝົດໄດ້ສົ່ງໄປເຖິງສະຖາບັນຄົ້ນຄວ້ານິຕິເວດສາດຂອງນະຄອນຫຼວງລາຮາວານ, ມາຮອດປັດຈຸບັນ, ມີສົບຜູ້ເສຍຊີວິດ 15 ຄົນໄດ້ຢືນຢັນຖານະແລ້ວ ແລະຖານະຂອງຜູ້ລອດຊີວິດ 3 ຄົນກໍໄດ້ຖືກຢືນຢັນເຊັ່ນດຽວກັນ, ປັດຈຸບັນ, ພວກເຂົາເຈົ້າກຳລັງນອນປິ່ນປົວຢູ່ໂຮງໝໍກາລິສະໂຕ ກາເຊຍນະຄອນຫຼວງລາຮາວານ.
 |
