ຈີນຈະເຂົ້າຮ່ວມການຄຸ້ມຄອງດ້ານສາທາລະນະສຸກໂລກຢ່າງຕັ້ງໜ້າ

ກ່ອນຈັດກອງປະຊຸມໃຫຍ່ອະນາໄມໂລກຄັ້ງທີ 71, ທ່ານ ໝ້າສຽວເຫວີຍ ຫົວໜ້າຄະນະກຳມະການສາທາລະນະສຸກແຫ່ງຊາດຈີນກ່າວຢູ່ນະຄອນເຊີແນວປະເທດສະວິສໃນວັນທີ 20 ພຶດສະພານີ້ວ່າ, ຈີນໄດ້ໃຫ້ຄວາມສຳຄັນຕໍ່ການຮັບປະກັນສຸຂະພາບຂອງພົນລະເມືອງ,ເພີ່ມທະວີຄວາມຜາສຸກຂອງປະຊາຊົນ,ແລະຕັ້ງໜ້າເຂົ້າຮ່ວມການຄຸ້ມຄອງດ້ານສາທາລະນະສຸກຂອງໂລກ,ເພື່ອປະກອບກຳລັງແລະສະຕິປັນຍາຈີນຕໍ່ສຸຂະພາບຂອງມວນມະນຸດ.

ທ່ານ ໝ້າສຽວເຫວີຍ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດຽວກັນວ່າ, ຈີນໄດ້ຍົກຂະພາບຈີນເປັນຍຸດທະສາດຂອງປະເທດ ຈັດວາງແລະເປີດເຜີຍ "ໂຄງຮ່າງແຜນແມ່ບົດສຸຂະພາບຈີນ 2030" ໂດຍປິ່ນອ້ອມເປົ້າໝາຍທີ່ກ່ຽວຂ້ອງຂອງວາລະການພັດທະນາແບບຍືນຍົງປີ 2030, ຂະນະດຽວກັນໄດ້ດຳເນີນການຮ່ວມມືກັບອົງການອະນາໄມໂລກແລະອົງການຈັດຕັ້ງສາກົນອື່ນໆຢ່າງກວ້າງຂວາງ,ປັບປຸງການຄຸ້ມຄອງດ້ານສາທາລະນະສຸກຂອງໂລກໃຫ້ດີຂຶ້ນ. ຈີນໃນຖານະເປັນປະເທດທີ່ພວມພັດທະນາທີ່ໃຫຍ່ທີ່ສຸດຂອງໂລກ,ໄດ້ຄົ້ນຄວ້າແລະມີບົດຮຽນທີ່ໄດ້ຜົນໃນການຄຸ້ມຄອງດ້ານສາທາລະນະສຸກໃນຫຼາຍດ້ານ,ແລະໄດ້ແບ່ງປັນໃຫ້ປະເທດຕ່າງໆຊົມໃຊ້ຮ່ວມກັນຢ່າງຕັ້ງໜ້າ.