ຕາມຂ່າວ CRI: ສະມາຄົມວິສາຫະກິດການຄ້າຮ່ວມມືຈີນ, ສະຖາບັນຄົ້ນຄວ້າການປະຕິຮູບແລະພັດທະນາວິສາຫະກິດຈີນໄດ້ຮ່ວມກັນຈັດ "ກອງປະຊຸມເວທີປຶກສາຫາລືການພັດທະນາສິນເຊື່ອວິສາຫະກິດຈີນ 2018 ພິທີສາທາລະນະປະໂຫຍດສິນເຊື່ອຄັ້ງທີ 9" ໃນວັນທີ 19 ພຶດສະພານີ້. ຫົວໜ້າ, ຜູ້ຊ່ຽວຊານທີ່ກ່ຽວຂ້ອງ, ຜູ້ຕາງໜ້າຈາກວິສາຫະກິດຂອງຈີນ, ແລະຜູ້ຕາງໜ້ານັກທຸລະກິດ 300 ກວ່າທ່ານເຂົ້າຮ່ວມ.
ກອງປະຊຸມດັ່ງກ່າວໄດ້ເນັ້ນຫົວຂໍ້ "ຄວາມຊື່ສັດ, ເປີດປະຕູແລະການພັດທະນາ", ຜູ້ຕາງໜ້າຕ່າງໆໄດ້ລົງເລິກວິເຄາະສະພາບໃໝ່, ທ່າອຽງໃໝ່ແລະນະໂຍບາຍໃໝ່ດ້ານເສດຖະກິດຂອງຈີນແລະຕ່າງປະເທດ, ຄົ້ນຄວ້າປຶກສາຫາລືການສ້າງລະບົບສົ່ງເສີມຄວາມຊື່ສັດແລະການລົງໂທດຕໍ່ການກະທຳທີ່ບໍ່ຊື່ສັດ, ສຸມໃສ່ບັນຫາການພັດທະນາຢ່າງມີຄວາມຊື່ສັດຂອງວິສາຫະກິດ, ແລະລົງເລິກແລກປ່ຽນແລະຄົ້ນຄວ້າປຶກສາຫາລືກັບນັກທຸລະກິດ, ຜູ້ຊ່ຽວຊານອາວຸໂສແລະນັກວິຊາການທີ່ມີຊື່ສຽງໂດ່ງດັງ.
 |
