ຕາມຂ່າວCRI: ວັນທີ 21 ພຶດສະພານີ້, ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນໄດ້ຢືນຢັນວ່າ, ຈີນຈະເຂົ້າຮ່ວມກອງປະຊຸມຄະນະກຳມະການປະສົມສັນຍາຮອບດ້ານກ່ຽວກັບບັນຫານິວເຄລຍອີຣານ.
ຂ່າວແຈ້ງວ່າ, ອີຣານ,ຈີນ,ຣັດເຊຍ,ຝຣັ່ງ,ເຢຍລະມັນແລະອັງກິດຈະຈັດກອງປະຊຸມຄະນະກຳມະການປະສົມສັນຍາຮອບດ້ານກ່ຽວກັບບັນຫານິວເຄລຍອີຣານໃນວັນທີ 25 ພຶດສະພານີ້. ທ່ານ ຊີເຢັດ ອັບບັສ ອາຣັກຊີ ຮອງລັດຖະມົນຕີກະຊວງການຕ່າງປະເທດອີຣານກ່າວວ່າ, ກອງປະຊຸມຈະປຶກສາຫາລືກ່ຽວກັບຜົນກະທົບທີ່ອາເມລິກາຖອນອອກຈາກສັນຍາແລະຝ່າຍຕ່າງໆທີ່ເຫຼືອນັ້ນຈະສືບຕໍ່ປະຕິບັດສັນຍາແນວໃດ.ທ່ານ ລູ້ຄ່າງ ກ່າວວ່າ:"ສະຫະພາບເອີຣົບໃນຖານະເປັນຜູ້ປະສານງານໃນການປະຕິບັດສັນຍາຮອບດ້ານກ່ຽວກັບບັນຫານິວເຄລຍອີຣານ,ພວມປະສານງານອີຣານ,ຈີນ,ຣັດເຊຍ,ຝຣັ່ງ,ເຢຍລະມັນແລະອັງກິດໃຫ້ຈັດກອງປະຊຸມຄະນະກຳມະການປະສົມຢູ່ນະຄອນຫຼວງວຽນປະເທດໂອຕຼິສໃນວັນທີ 25 ພຶດສະພານີ້,ໂດຍຈະປຶກສາຫາລືກ່ຽວກັບບັນຫາທີ່ກ່ຽວຂ້ອງໃນການປະຕິບັດສັນຍາຮອບດ້ານ. ຈີນຈະສືບຕໍ່ສຸມໃສ່ປົກປັກຮັກສາແລະປະຕິບັດສັນຍາດັ່ງກ່າວ."
 |
