ວັນທີ 21 ພຶດສະພານີ້, ເຈົ້າໜ້າທີ່ລັດຖະບານຟີລິບປິນກ່າວວ່າ, ຈະເລີ່ມດຳເນີນວຽກງານສ້າງສາເມືອງມາລາວີທາງພາກໃຕ້ຟີລິບປິນຄືນໃໝ່ ແລະຄາດວ່າຈະສຳເລັດກ່ອນປີ 2021, ລັດຖະບານຟີລິບປິນໄດ້ຊົມເຊີຍວິສາຫະກິດຈີນທີ່ເຂົ້າຮ່ວມ.
ໃນເດືອນພຶດສະພາປີ 2017, ກອງທັບລັດຖະບານຟີລິບປິນແລະກຸ່ມປະກອບອາວຸດຕໍ່ຕ້ານລັດຖະບານໄດ້ປະທະກັນຢູ່ເມືອງມາລາວີ, ສືບເນື່ອງເປັນເວລາ 5 ເດືອນ,ເຮັດໃຫ້ເມືອງຖືກທຳລາຍຢ່າງໜັກໜ່ວງ. ນັກຂ່າວໄດ້ສັງເກດຢູ່ໃນເມືອງມາລາວີວ່າ, ຢູ່ເຂດໃຈກາງເມືອງດັ່ງກ່າວເຕັມໄປດ້ວຍຊາກສະຫຼັກຫັກພັງ,ແລະສິ່ງກໍ່ສ້າງຕ່າງໆກໍ່ໄດ້ຖືກທຳລາຍໝົດ.
ໃນເດືອນເມສາປີນີ້, ອົງການກໍ່ສ້າງເຮືອນຂອງຟີລິບປິນເຄີຍໄດ້ປະກາດວ່າ,ແຜນການສ້າງສາເມືອງມາລາວີຄືນໃໝ່ທີ່ກຸ່ມປະສົມທີ່ປະກອບດ້ວຍບໍລິສັດຈີນ 5 ແຫ່ງ ແລະບໍລິສັດຟີລິບປິນ 3 ແຫ່ງສະເໜີນັ້ນໄດ້ຜ່ານການຮັບຮອງຈາກຜູ້ຊ່ຽວຊານແລ້ວ,ແລະກາຍເປັນຝ່າຍຖືກປະມູນສຳຮອງ,ຖ້າບໍ່ມີບໍລິສັດແຫ່ງອື່ນແຂ່ງຂັນປະມູນ,ກຸ່ມປະສົມດັ່ງກ່າວຈະຊະນະການປະມູນກ່ຽວກັບການສ້າງສາເມືອງມາລາວີຄືນໃໝ່.
 |
