ຕາມຂ່າວCRI: ໂດຍຕອບສະໜອງຕາມຄຳເຊີນຂອງສະພາປະຊາຊົນແຫ່ງຊາດບັງກະລາເດັດ,ຄະນະກຳມະການສູນກາງແນວລາວສ້າງຊາດຂອງລາວແລະລັດຖະສະພາມຽນມາ, ທ່ານ ວາງເຈີ້ງເຫວີຍ, ຮອງປະທານສະພາປຶກສາການເມືອງປະຊາຊົນແຫ່ງຊາດຈີນພ້ອມດ້ວຍຄະນະໄດ້ຢ້ຽມຢາມ 3 ປະເທດດັ່ງກ່າວໃນວັນທີ 13 ຫາວັນທີ 22 ພຶດສະພານີ້.
ໃນໄລຍະຢ້ຽມຢາມ, ທ່ານ ວາງເຈີ້ງເຫວີຍ ໄດ້ແຈ້ງໃຫ້ການນຳ 3 ປະເທດຮັບຮູ້ກ່ຽວກັບແນວຄິດ ສີຈິ້ນຜິງ ກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ລະບອບຫຼາຍພັກຮ່ວມມືກັນແລະປຶກສາການເມືອງທີ່ນຳພາໂດຍພັກກອມມູນິດຈີນ ຜົນສຳເລັດຂອງກອງປະຊຸມສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນແຫ່ງຊາດຈີນໃນປີນີ້ແລະສະພາບການອື່ນໆ,ແລະໄດ້ລົງເລິກແລກປ່ຽນນຄຳຄິດເຫັນກັບການນຳ 3 ປະເທດກ່ຽວກັບການພົວພັນສອງຝ່າຍ,ການຮ່ວມກັນຊຸກຍູ້ການສ້າງ "ໜຶ່ງແລວໜຶ່ງເສັ້ນທາງ" ແລະຫົວຂໍ້ອື່ນໆ.
ຜູ້ນຳ 3 ປະເທດໄດ້ຕີລາຄາຢ່າງຕັ້ງໜ້າຕໍ່ການພົວພັນສອງຝ່າຍ,ແລະໄດ້ຍ້ອງຍໍຊົມເຊີຍຕໍ່ຜົນສຳເລັດທີ່ໄດ້ຮັບໃນການພັດທະນາເສດຖະກິດສັງຄົມຂອງຈີນແລະບົດບາດທີ່ສຳຄັນໃນດ້ານວຽກງານສາກົນ,ຜູ້ນຳຂອງ 3 ປະເທດລ້ວນແຕ່ຍິນດີຖອດຖອນບົດຮຽນດ້ານການບໍລິຫານແລະການປົກຄອງປະເທດຂອງຈີນ, ສະໜັບສະໜູນແລະເຂົ້າຮ່ວມການສ້າງ"ໜຶ່ງແລວໜຶ່ງເສັ້ນທາງ"ຢ່າງຕັ້ງໜ້າ,ເປີດກວ້າງການຮ່ວມມືທີ່ແທ້ຈິງໃນຂົງເຂດຕ່າງໆ.
 |
