ຕອນບ່າຍວັນທີ 20 ພຶດສະພານີ້, ງານບັນຍາຍທີ່ຫົວຂໍ້ກ່ຽວກັບການໄປຮຽນຢູ່ຈີນທີ່ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍນັ້ນ ໄດ້ດຶງດູດນັກຮຽນນັກສຶກສາພ້ອມດ້ວນພໍ່ແມ່ຜູ້ປົກຄອງຂອງອິນໂດເນເຊຍຢ່າງຫຼວງຫຼາຍ. ການອົບຮົມຊັບພະຍາກອນມະນຸດ "ແບບໃບຈອງ" ຂອງສະຫະພັນມະຫາວິທະຍາໄລ-ວິສາຫະກິດຈີນເພື່ອປະເທດລຽບຕາມ "ໜຶ່ງແລວໜຶ່ງເສັ້ນທາງ" ໂດຍສະເພາະນັ້ນ ເຮັດໃຫ້ນັກຮຽນນັກສຶກສາອິນໂດເນເຊຍສົນໃຈຫຼາຍ.
ປີ 2017 ຜ່ານມາ, ວິສາຫະກິດແລະສະມາຄົມຂະແໜງການທີ່ມີຊື່ສຽງຂອງຈີນໃນ "ສະຫະພັນການສຶກສາກ່ອນໄປຮຽນຢູ່ຈີນ" ແລະ "ສະຫະພັນການສຶກສາຈີນ-ອາຊຽນ" ໄດ້ປະກອບເປັນສະຫະພັນມະຫາວິທະຍາໄລ-ວິສາຫະກິດ ເພື່ອອົບຮົມຊັບພະຍາກອນມະນຸດດ້ານ "ໜຶ່ງແລວໜຶ່ງເສັ້ນທາງ", ມະຫາວິທະຍາໄລຈີນ 50 ກວ່າແຫ່ງຄື: ມະຫາວິທະຍາໄລຟູ້ຕ້ານ, ມະຫາວິທະຍາໄລຄົມມະນາຄົມຊຽງໄຮ, ມະຫາວິທະຍາໄລເຈີ້ຈ່ຽງ, ມະຫາວິທະຍາໄລນານໄຄ່ ແລະອື່ນໆ ພ້ອມດ້ວຍວິສາຫະກິດທີ່ມີຊື່ສຽງຂອງຈີນແລະຕ່າງປະເທດຮ້ອຍກວ່າແຫ່ງ ໄດ້ເຂົ້າເປັນສະມາຊິກຂອງສະຫະພັນດັ່ງກ່າວ. ຜ່ານການປັບປຸງຮູບການອົບຮົມຊັບພະຍາກອນມະນຸດ, ສະຫະພັນດັ່ງກ່າວ ໄດ້ອົບຮົມແລະສົ່ງຊັບພະຍາກອນມະນຸດວິຊາສະເພາະແບບສາກົນແລະແບບທ້ອງຖິ່ນໃຫ້ແກ່ວິສາຫະກິດຂອງທຸກປະເທດລຽບຕາມ "ໜຶ່ງແລວໜຶ່ງເສັ້ນທາງ" ຢ່າງຫຼວງຫຼາຍ.
 |
