ທ່ານດາຕຸກ ເຊຣີ ມາຮາເທຍ ບິນ ໂມຮາເມັດ ນາຍົກລັດຖະມົນຕີຄົນໃໝ່ຂອງມາເລເຊຍ ໄດ້ຖະແຫຼງຕໍ່ພາຍນອກເປັນຄັ້ງທຳອິດໃນວັນທີ 17 ພຶດສະພານີ້ວ່າ: ລັດຖະບານຊຸດໃໝ່ຈະສືບຕໍ່ປະຕິບັດຕາມສັນຍາທຸກສະບັບທີ່ລັດຖະບານຊຸດຜ່ານມາໄດ້ເຊັນກັບຈີນ.
ໃນພິທີຖະແຫຼງຂ່າວທີ່ຈັດຂຶ້ນໃນວັນດັ່ງກ່າວ, ສື່ມວນຊົນມາເລເຊຍ ຄື ອາຊີວັນນີ້ ໄດ້ຖາມວ່າຈະປະຕິບັດຕໍ່ການລົງທຶນຈາກຈີນຄືແນວໃດ ແລະ ທ່ານມາຮາເທຍ ໄດ້ຕອບວ່າ: ພວກຂ້າພະເຈົ້າໄດ້ຖະແຫຼງຢ່າງຈະແຈ້ງແລ້ວວ່າ ຈະພິຈາລະນາສັນຍາເຫຼົ່ານີ້ອີກຄັ້ງໃໝ່ ແຕ່ພວກຂ້າພະເຈົ້າຈະເຄົາລົບ ແລະປະຕິບັດສັນຍາທຸກສະບັບ".
ກ່ອນໜ້ານີ້, ມາເລເຊຍໄດ້ປ່ຽນພັກກຳອຳນາດເປັນຄັ້ງທຳອິດນັບແຕ່ປະກາດເປັນປະເທດເອກະລາດເປັນຕົ້ນມາ ຫຼັງດຳເນີນການເລືອກຕັ້ງທົ່ວໄປທີ່ຫາກໍ່ສິ້ນສຸດລົງບໍ່ດົນ ໂດຍທ່ານມາຮາເທຍ ອະດີດນາຍົກລັດຖະມົນຕີມາເລເຊຍທີ່ປີນີ້ອາຍຸ 92 ປີ ໄດ້ຊະນະການເລືອກຕັ້ງ ແລະຂຶ້ນດຳລົງຕຳແໜ່ງນາຍົກລັດຖະມົນຕີອີກຄັ້ງໃໝ່ ເຊິ່ງກ່ອນໜ້ານີ້ ທ່ານເຄີຍເປັນນາຍົກລັດຖະມົນຕີມາເລເຊຍມາແລ້ວເຖິງ 22 ປີ.
