ວັນທີ 22 ພຶດສະພານີ້, ຄຽງຄູ່ກັບເຮືອລາດຕະເວນ 6 ລຳເລີ່ມອອກເດີນທາງຈາກທ່າເຮືອກວນເຫຼີຍກິ່ງແຂວງສິບສອງພັ່ນນາແຂວງຢູນນານສປຈີນ, ການຮ່ວມລາດຕະເວນຮ່ວມຕາມລຳແມ່ນ້ຳຂອງຄັ້ງທີ 70 ລະຫວ່າງຈີນ-ລາວ-ມຽນມາ-ໄທເລີ່ມປະຕິບັດຢ່າງເປັນທາງການ.
ຜູ້ຮັບຜິດຊອບທີ່ກ່ຽວຂ້ອງຂອງກອງປ້ອງກັນຊາຍແດນແຂວງຢຸນນານກ່າວວ່າ, ໜ່ວຍເຮືອລາດຕະເວນຮ່ວມຄັ້ງນີ້ປະກອບດ້ວຍເຮືອລາດຕະເວັນ 10 ລຳແລະເຈົ້າໜ້າທີ່ປະຕິບັດກົດໝາຍ 160 ກວ່າຄົນ.
ໂດຍແນໃສ່ຄວາມສ່ຽງດ້ານການເດີນເຮືອຢູ່ເຂດລ້ອງແມ່ນ້ຳຂອງໃນລະດູຝົນ, ປະລິມານຝົນຕົກເພີ່ມຂຶ້ນເຮັດໃຫ້ທາງເດີນເຮືອບາງຕອນເກີດມີການປ່ຽນແປງ, ເຮືອລາດຕະເວນປະສົມຈະເພີ່ມຄວາມແຮງໂຄສະນາດ້ານຄວາມປອດໄພຕໍ່ເຮືອໂດຍສານແລະຂົນສົ່ງສິນຄ້າ, ປະຕິບັດມາດຕະການປ້ອງກັນລ່ວງໜ້າຢ່າງເໝາະສົມ, ຕັ້ງໜ້າກະກຽມການຊ່ວຍເຫຼືອສຸກເສີນທຸກດ້ານ, ເພື່ອເຮັດໃຫ້ການດຳລົງຊີວິດຂອງປະຊາຊົນທີ່ອາໄສຢູ່ແຄມແມ່ນ້ຳຂອງມີຄວາມສະຫງົບສຸກແລະປອດໄພຂຶ້ນກວ່າເກົ່າ.
 |
