ວັນທີ 22 ພຶດສະພານີ້, ທ່ານໂດນັນ ທຣຳ ປະທານາທິບໍດີອາເມລິກາໄດ້ພົບປະກັບທ່ານມູນແຈອິນ ປະທານາທິບໍດີສ.ເກົາຫຼີຢູ່ທຳນຽບຂາວ, ສອງຝ່າຍໄດ້ປຶກສາຫາລືກັນໃນຫຼາຍບັນຫາ ເຊິ່ງລວມທັງການພົບປະລະຫວ່າງຜູ້ນຳອາເມລິກາ ແລະສປປ.ເກົາຫຼີ ແລະໃຫ້ຄຳໝັ້ນສັນຍາວ່າ ຈະຮ່ວມກັນຊຸກຍູ້ໃຫ້ແຫຼມເກົາຫຼີປອດນິວເຄຼຍ.
ຕອນທ່ຽງມື້ດຽວກັນ, ທ່ານທຣຳໄດ້ກ່າວຕໍ່ນັກຂ່າວກ່ອນຈະພົບປະຫາລືກັບທ່ານມູນແຈອິນວ່າ: ການພົບປະກັບທ່ານກິມເຈິງອຸນ ຜູ້ນຳສູງສຸດສປປ.ເກົາຫຼີອາດຈະບໍ່ສາມາດຈັດຂຶ້ນໃນວັນທີ 12 ມິຖຸນາໜ້ານີ້ໄດ້, ອາດຈະເລື່ອນກຳນົດເວລາອອກໄປຕື່ມອີກ, ປະຈຸບັນນີ້, ສອງຝ່າຍກຳລັງປຶກສາຫາລືກັນຢູ່. ທ່ານມູນແຈອິນກ່າວວ່າ: ສ.ເກົາຫຼີຄອງຄອຍການພົບປະກັນລະຫວ່າງຜູ້ນຳອາເມລິກາ ແລະສປປ.ເກົາຫຼີ ພ້ອມທັງສະໜັບສະໜູນຈົນສຸດຄວາມສາມາດເພື່ອເຮັດໃຫ້ການພົບປະປະສົບຜົນສຳເລັດເປັນຢ່າງດີ.
 |
