ສະຖາບັນຄົ້ນຄວ້າການຄຸ້ມຄອງ-ການພັດທະນາສາກົນໂລຊານສະວິດ ໄດ້ເປີດເຜີຍ "ບົດລາຍງານຄວາມສາມາດການແຂ່ງຂັນໂລກປີ 2018" ສະບັບຫຼ້າສຸດ ໂດຍເຂດພິເສດຮົງກົງ ສປ ຈີນໄດ້ຖືກຈັດຢູ່ໃນອັນດັບທີ 2 ຂອງໂລກ.
ໃນບົດລາຍງານດັ່ງກ່າວໄດ້ປະເມີນກຸ່ມເສດຖະກິດຕ່າງໆ ໂດຍອີງໃສ່ປັດໄຈຂອງຄວາມສາມາດການແຂ່ງຂັນໃນ 4 ດ້ານ ຄື ສະພາບເສດຖະກິດ, ປະສິດທິພາບຂອງການປົກຄອງ, ປະສິດທິພາບການດຳເນີນທຸລະກິດ ແລະ ພື້ນຖານໂຄງລ່າງ ແລະ ແຕ່ລະປັດໄຈປະກອບດ້ວຍ 5 ປັດໄຈຍ່ອຍຕື່ມອີກ. ໃນ 63 ກຸ່ມເສດຖະກິດຂອງໂລກທີ່ໄດ້ຮັບການປະເມີນນັ້ນ, ອາເມລິກາຄອງອັນດັບທີ 1, ຮົງກົງຄອງອັນດັບທີ 2 ຖັດຈາກນັ້ນຄື ສິງກະໂປ, ໂຮນລັງ ແລະ ສະວິດ. ສຳລັບຮົງກົງແລ້ວ, "ປະສິດທິພາບການປົກຄອງ" ແລະ "ປະສິດທິພາບການດຳເນີນທຸລະກິດ" ລ້ວນແຕ່ເປັນອັນດັບ 1 ເປັນເວລາ 4 ປີຕໍ່ເນື່ອງ.
