ວັນທີ 23 ພຶດສະພານີ້, ທ່ານ ອັນໂຕນີໂອ ກູເຕີເຣສ໌ ເລຂາທິການໃຫຍ່ອົງການສະຫະປະຊາຊາດໄດ້ຮຽກຮ້ອງໃຫ້ປະເທດສະມາຊິກຂອງອົງການສະຫະປະຊາຊາດປະຕິບັດ "ສົນທິສັນຍາສະຫະປະຊາຊາດກ່ຽວກັບການຕ້ານການສໍ້ລາດບັງຫຼວງ",ເພື່ອລົບລ້າງການສໍ້ລາດບັງຫຼວງຢ່າງເຖິງຖອງ,ປົກປັກຮັກສາສັນຕິພາບແລະຄວາມໝັ້ນຄົງ,ປົກປ້ອງສິດທິມະນຸດ,ບັນລຸການພັດທະນາແບບຍືນຍົງ.
ທ່ານ ອັນໂຕນີໂອ ກູເຕີເຣສ໌ ກ່າວໃນກອງປະຊຸມອະພິປາຍລະດັບສູງຂອງສະມັດຊາໃຫຍ່ສະຫະປະຊາຊາດລະລຶກການຮັບຮອງ "ສົນທິສັນຍາສະຫະປະຊາຊາດກ່ຽວກັບການຕ້ານການສໍ້ລາດບັງຫຼວງ" ຄົບຮອບ 15 ປີໂດຍກ່າວວ່າ, ສັນຍາດັ່ງກ່າວໄດ້ສ່ອງແສງໃຫ້ເຫັນເຖິງຄວາມຮັບຮູ້ຢ່າງເປັນເອກະພາບຂອງໂລກ,ຄືການສໍ້ລາດບັງຫຼວງບໍ່ແມ່ນການທົດແທນທີ່ຈຳເປັນຫຼືຄວາມຊົ່ວທີ່ຈຳເປັນໃນການດຳເນີນທຸລະກິດ,ແຕ່ແມ່ນການກໍ່ອາຊະຍາກຳທີ່ໜັກໜ່ວງ. ບໍ່ວ່າປະເທດທີ່ຈະເລີນຫຼືປະເທດທີ່ພວມພັດທະນາລ້ວນແຕ່ໄດ້ຮັບຜົນເສຍຫາຍຈາກການສໍ້ລາດບັງຫຼວງ. ການສໍ້ລາດບັງຫຼວງໄດ້ທຳລາຍການພັດທະນາເສດຖະກິດ,ທຳລາຍຈິດໃຈວິສາຫະກິດ,ສະກັດກັ້ນການລົງທຶນ.
ທ່ານ ກູເຕີເຣສ໌ ໄດ້ຮຽກຮ້ອງໃຫ້ບັນດາປະເທດໃຊ້ເວທີສົນທິສັນຍາດັ່ງກ່າວໂຈມຕີການກະທຳສໍ້ລາດບັງຫຼວງ,ບັນລຸເປົ້າໝາຍຮ່ວມທີ່ມີການເມືອງທີ່ດີ,ສະຖຽນລະພາບແລະຄວາມຈະເລີນຮຸ່ງເຮືອງ.
 |
