ຫວ່າງມໍ່ໆມານີ້, ອາເມລິກາໄດ້ເປີດເຜີຍວ່າ ອາດຈະດຳເນີນ "ການກວດກາ 232" ເພື່ອຂຶ້ນອັດຕາພາສີຕື່ມການນຳເຂົ້າລົດ ວັນທີ 24 ພຶດສະພານີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນ ໄດ້ຕອບໂຕ້ຢູ່ນະຄອນຫຼວງປັກກິ່ງວ່າ: ຈີນຈະຕິດຕາມຄວາມຄືບໜ້າການກວດກາດັ່ງກ່າວຂອງອາເມລິກາຢ່າງໃກ້ຊິດ ແລະຈະເດັດດ່ຽວປົກປ້ອງສິດຜົນປະໂຫຍດອັນຊອບດ້ວຍກົດໝາຍຂອງຕົນ.
ທັງນີ້ ທ່ານລູ້ຄ່າງ ໄດ້ຕອບຄຳຖາມຂອງນັກຂ່າວ ໃນກອງປະຊຸມຖະແຫຼງຂ່າວໃນວັນດັ່ງກ່າວວ່າ: ຫຼັກໝັ້ນຂອງຈີນ ຄື ຄັດຄ້ານການນຳໃຊ້ມາດຕາທີ່ເອີ້ນວ່າ "ຄວາມໝັ້ນຄົງແຫ່ງຊາດ" ທີ່ບໍ່ມີຂີດຈຳກັດ ເພາະມັນຈະທຳລາຍກົນໄກການຄ້າຫຼາຍຝ່າຍຢ່າງໜັກໜ່ວງ ແລະສ້າງຄວາມວຸ້ນວາຍຕໍ່ລະບຽບການຄ້າສາກົນທີ່ເປັນປົກກະຕິ ພວກຂ້າພະເຈົ້າຈະຕິດຕາມຄວາມຄືບໜ້າການກວດກາຂອງອາເມລິກາຢ່າງໃກ້ຊິດ ແລະຈະປະເມີນຜົນກະທົບທີ່ອາດຈະເກີດຂຶ້ນນັ້ນຢ່າງຮອບດ້ານ ພ້ອມທັງປົກປ້ອງສິດແລະຜົນປະໂຫຍດອັນຊອບດ້ວຍກົດໝາຍຂອງຕົນຢ່າງເດັດດ່ຽວ.
