ຕໍ່ເລື່ອງທີ່ອາເມລິກາຍົກເລີກການເຊື້ອເຊີນຈີນເຂົ້າຮ່ວມການຊ້ອມຮົບອ້ອມປາຊີຟິກ 2018 ໂດຍກຳນົດເອົາອັນທີ່ເອີ້ນວ່າ "ການຈັດວາງກຳລັງອາວຸດຢູ່ທະເລຈີນໃຕ້" ເປັນຂໍ້ອ້າງ ທ່ານລູ້ຄ່າງ ໂຄສົກກະຊວງການຕ່າງປະເທດຈີນ ໄດ້ຕອບໂຕ້ໃນກອງປະຊຸມຖະແຫຼງຂ່າວໃນວັນທີ 24 ພຶດສະພານີ້ວ່າ: ຈີນມີສິດອະທິປະໄຕຢ່າງເຕັມສ່ວນເໜືອເກາະດອນຕ່າງໆ ພ້ອມເຂດທະເລໃກ້ຄຽງ ຢູ່ທະເລຈີນໃຕ້ຢ່າງບໍ່ສາມາດໂຕ້ຖຽງໄດ້. ອາເມລິກາມີເຈຕະນາຂົ່ມຂູ່ ແລະບັງຄັບຈີນໃຫ້ປະລະສິດດັ້ງເດີມຂອງຕົນດ້ວຍໂຄງການແລກປ່ຽນ ແມ່ນເລື່ອງທີ່ບໍ່ອາດເປັນໄປໄດ້ ແລະຈະບໍ່ສາມາດສົມຄວາມປາຖະໜາຂອງເຂົາ.
ທ່ານລູ້ຄ່າງເນັ້ນຕື່ມວ່າ: ຈີນດຳເນີນການກໍ່ສ້າງທີ່ປົກກະຕິຢູ່ໃນດິນແດນຂອງຕົນ ແລະດຳເນີນການຝຶກຊ້ອມການທະຫານທີ່ປົກກະຕິ ເຊິ່ງເປັນສິດທິດັ້ງເດີມຂອງປະເທດອະທິປະໄຕ ແລະ ກໍເປັນມາດຕະການທີ່ຈຳເປັນຂອງຈີນໃນການປົກປ້ອງຄວາມປອດໄພດ້ານສິດອະທິປະໄຕຂອງຕົນ ແລະປົກປັກຮັກສາສັນຕິພາບ-ສະຖຽນລະພາບໃນພາກພື້ນ ແຕ່ບໍ່ມີສ່ວນກ່ຽວຂ້ອງຫຍັງກັບ "ການຈັດວາງກຳລັງອາວຸດຢູ່ທະເລຈີນໃຕ້" ຄືກັບອາເມລິກາຕຳນິຈີນຢ່າງບໍ່ມີເຫດຜົນມາໂດຍຕະຫຼອດ.
