ກອງປະຊຸມປະທານສານສູງສຸດປະເທດສະມາຊິກອົງການຮ່ວມມືຊຽງໄຮຄັ້ງທີ 13 ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 25 ພຶດສະພານີ້ ທ່ານສີຈິ້ນຜິງ ປະທານປະເທດຈີນໄດ້ສົ່ງສານສະແດງຄວາມຊົມເຊີຍຕໍ່ກອງປະຊຸມດັ່ງກ່າວ.
ທ່ານສີຈິ້ນຜິງ ເນັ້ນວ່າ: ປັດຈຸບັນ, ຈີນພວມສ້າງລະບົບການປົກຄອງດ້ວຍກົດໝາຍສັງຄົມນິຍົມທີ່ມີສີສັນພິເສດຂອງຈີນ, ຊຸກຍູ້ການປົກຄອງປະເທດຕາມກົດໝາຍຢ່າງຮອບດ້ານ, ຍຶດໝັ້ນການຊຸກຍູ້ການປົກຄອງປະເທດດ້ວຍກົດໝາຍ, ການກຳອຳນາດຕາມກົດໝາຍ ແລະການບໍລິຫານລັດດ້ວຍກົດໝາຍໄປຄວບຄູ່ກັນ ຍຶດໝັ້ນການສ້າງການເຊື່ອມໂຍງປະເທດແຫ່ງກົດໝາຍ, ລັດແຫ່ງກົດໝາຍ ແລະ ສັງຄົມແຫ່ງກົດໝາຍ ຊຸກຍູ້ການສ້າງກົດໝາຍຢ່າງມີວິທະຍາສາດ, ການປະຕິບັດກົດໝາຍຢ່າງເຂັ້ມງວດ, ຕຸລາການມີຄວາມທ່ຽງທຳ ແລະທົ່ວປວງຊົນຕ້ອງເຄົາລົບກົດໝາຍຢ່າງຮອບດ້ານ ສ້າງສະພາບແວດລ້ອມທຸລະກິດທີ່ປົກຄອງດ້ວຍກົດໝາຍ, ເປັນແບບສາກົນ ແລະ ມີຄວາມສະດວກ ສ້າງປະເທດແຫ່ງກົດໝາຍສັງຄົມນິຍົມ. ຫວັງວ່າຝ່າຍຕ່າງໆຈະລົງເລິກການຮ່ວມມືດ້ານຕຸລາການໃນຂອບອົງການຮ່ວມມືຊຽງໄຮ, ປາບປາມອາຊະຍາກຳຕ່າງໆ ແລະແກ້ໄຂຄວາມຂັດແຍ້ງຕ່າງໆຢ່າງມີປະສິດທິຜົນກວ່າເກົ່າ ເພື່ອສ້າງສະພາບແວດລ້ອມການປົກຄອງດ້ວຍກົດໝາຍທີ່ດີງາມໃຫ້ແກ່ການຊຸກຍູ້ການສ້າງ "ໜຶ່ງແລວໜຶ່ງເສັ້ນທາງ" ແລະຊຸກຍູ້ການພັດທະນາພາກພື້ນອົງການຕົນ.
