ຕາມຂ່າວ CRI: ວັນທີ 24 ພຶດສະພານີ້, ທ່ານໂດນັນ ທຣຳ ປະທານາທິບໍດີອາເມລິກາກ່າວວ່າ, ຍ້ອນວ່າ ສປປ ເກົາຫຼີໄດ້ສະແດງທ່າທີທີ່ຈະເປັນສັດຕູຢ່າງເປີດເຜີຍໃນຫວ່າງມໍ່ໆມານີ້, ຈຶ່ງໄດ້ຕົກລົງຍົກເລີກການພົບປະກັນກັບທ່ານກິມເຈິງອຸນ ຜູ້ນຳສູງສຸດ ສປປ ເກົາຫຼີທີ່ຈະຈັດຂຶ້ນຢູ່ສິງກະໂປໃນກາງເດືອນມິຖຸນາໜ້ານີ້.
ທ່ານທຣຳເຫັນວ່າ ສປປ ເກົາຫຼີໄດ້ "ເສຍໂອກາດທີ່ດີ" ຄັ້ງນີ້, ແຕ່ຍັງຄອງຄອຍຈະໄດ້ພົບປະກັບທ່ານກິມເຈິງອຸນໃນອະນາຄົດ. ທ່ານເຫັນວ່າຕົນເອງແລະທ່ານກິມເຈິງອຸນ ໄດ້ສ້າງການສົນທະນາທີ່ດີງາມ, ແລະໃນທີ່ສຸດສິ່ງທີ່ສາມາດເສີມຂະຫຍາຍບົດບາດຍັງຈະແມ່ນການເຈລະຈາຢ່າງແນ່ນອນ.
ໃນໂອກາດເຂົ້າຮ່ວມກິດຈະກຳກ່ຽວກັບການຫຼຸດກຳລັງຮົບຢູ່ມະຫາວິທະຍາໄລເຊີແນວໃນວັນທີ 24 ພຶດສະພານີ້, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດກ່າວຕໍ່ສື່ມວນຊົນວ່າ, ຂ້າພະເຈົ້າສະແດງຄວາມເປັນຫ່ວງຢ່າງຍິ່ງຕໍ່ການພົບປະກັນລະຫວ່າງຜູ້ນຳອາເມລິກາແລະສປປເກົາຫຼີທີ່ຈະຈັດຂຶ້ນຢູ່ສິງກະໂປຖືກຍົກເລີກ, "ຫວັງວ່າຝ່າຍຕ່າງໆທີ່ກ່ຽວຂ້ອງຈະສືບຕໍ່ດຳເນີນການເຈະລຈາ, ເພື່ອຊອກຫາເສັ້ນທາງທີ່ມຸ່ງໜ້າໄປສູ່ສັນຕິພາບແລະການປອດອາວຸດນິວເຄຼຍຂອງແຫຼມເກົາຫຼີ" ທີ່ສາມາດກວດສອບໄດ້
ທ່ານມູນແຈອິນ ປະທານາທິບໍດີ ສ ເກົາກຫຼີໄດ້ສະແດງຄວາມເສຍດາຍທີ່ສຸດຕໍ່ທ່ານທຣຳທີ່ຍົກເລີກການເຈະລະຈາກັບທ່ານກິມເຈິງອຸນໃນວັນທີ 25 ພຶດສະພານີ້.
 |
