ວັນທີ 24 ພຶດສະພານີ້, ສປປ ເກົາຫຼີ ໄດ້ດຳເນີນການລະເບີດຂຸມທາງຫຼາຍເສັ້ນໃນສະໜາມທົດລອງນິວເຄລຍພູງກີຣີທີ່ຕັ້ງຢູ່ເມືອງກິຈູ ທາງພາກຕາເວັນອອກສຽງເໜືອປະເທດຕົນ, ທັງໄດ້ມ້າງສິ່ງກໍ່ສ້າງທີ່ກ່ຽວຂ້ອງ ແລະປະກາດເປັນທາງການວ່າ, ໄດ້ຢຸດຕິນຳໃຊ້ສະໜາມທົດລອງນິວເຄລຍແຫ່ງນີ້ແລ້ວ.
ມື້ດັ່ງກ່າວ, ສປປ ເກົາຫຼີ ໄດ້ລະເບີດທາງຂຸມເບີ 2 ຖິ້ມທີ່ເຄີຍທົດລອງນິວເຄລຍ 5 ເທື່ອນັບແຕ່ປີ 2009-2017 ພ້ອມດ້ວຍທາງຂຸມທີ່ສາມາດທົດລອງນິວເຄລຍໄດ້ອີກ 2 ສາຍ, ທັງໄດ້ລະເບີດ ສິ່ງກໍ່ສ້າງທີ່ກ່ຽວຂ້ອງ 10 ກວ່າແຫ່ງຖິ້ມ ເຊັ່ນ: ຫ້ອງວັດແທກ, ຄ້າຍທະຫານປ້ອງກັນແລະອື່ນໆ, ພ້ອມທັງປະກາດວ່າ, ການເຄື່ອນໄຫວລະເບີດ ແລະມ້າງສິ່ງທີ່ກ່ຽວຂ້ອງຖິ້ມໄດ້ຮັບຜົນສຳເລັດເປັນຢ່າງດີ.
ຄະນະນັກຂ່າວສາກົນທີ່ປະກອບດ້ວຍສື່ມວນຊົນ 10 ແຫ່ງຈາກຈີນ, ຣັດເຊຍ, ອາເມລິກາ, ອັງກິດ ແລະ ສ.ເກົາຫຼີ ໄດ້ດຳເນີນການສຳພາດຂ່າວຕໍ່ເລື່ອງນີ້ຢູ່ກັບບ່ອນ.
 |
