ຕາມຂ່າວCRI：ຫວ່າງກ່ອນນີ້ບໍ່ດົນ, ທ່ານສີນິງນິງ,ປະທານບໍລິຫານງານຂອງສະພາມົນຕີການຄ້າຈີນ - ອາຊຽນກ່າວໃນເວລາຢ້ຽມຢາມຢູ່ມຽນມາວ່າ, ຈີນກັບ ບັນດາປະເທດອາຊຽນລວມທັງມຽນມາມີກຳລັງບົ່ມຊ້ອນແລະຊ່ອງຫວ່າງດ້ານການຮ່ວມມືຢ່າງໃຫຍ່ຫຼວງ, ສອງຝ່າຍຄວນຊຸກຍູ້ການເຊື່ອມຕໍ່ກັນດ້ານຂະແໜງການຢ່າງຕໍ່ເນື່ອງພາຍໃຕ້ຂໍ້ລິເລີ່ມ "ໜຶ່ງແລວເສັ້ນທາງ", ເຂດການຄ້າເສລີຈີນ-ອາຊຽນແລະຂອບອື່ນໆ.
ເພື່ອຊຸກຍູ້ການຮ່ວມມືດ້ານເສດຖະກິດລະຫວ່າງຈີນກັບມຽນມາ, ຍົກລະດັບການຄ້າແລະການລົງທຶນລະຫວ່າງສອງປະເທດ, ຫວ່າງບໍ່ດົນມານີ້, ທ່ານສີໜິງໜິງກັບທ່ານມຽວ ຕັນ, ປະທານສະມາຄົມງານວາງສະແດງແລະກອງປະຊຸມມຽນມາໄດ້ຮ່ວມກັນລົງນາມໃນບົດບັນທຶກຄວາມເຂົ້າໃຈຢູ່ທີ່ນະຄອນຢາງກຸ້ງ. ທ່ານສີນິງນິງກ່າວວ່າ, ໃນຊຸມປີມໍ່ໆນີ້, ວິສາຫະກິດຈີນທີ່ນັບມື້ນັບຫຼາຍກວ່າເກົ່າກຳລັງພະຍາຍາມສະແຫວງຫາໂອກາດການຄ້າແລະການລົງທຶນຢູ່ບັນດາປະເທດອາຊຽນ, ມຽນມາມີກຳລັງບົ່ມຊ້ອນດ້ານການພັດທະນາຢ່າງໃຫຍ່ຫຼວງແລະທ່າແຮງທີ່ທົດແທນບໍ່ໄດ້.
ກ່ຽວກັບການເສີມຂະຫຍາຍກຳລັງບົ່ມຊ້ອນດ້ານການພັດທະນາຢ່າງໃຫຍ່ຫຼວງຂອງມຽນມາ, ທ່ານສີນິງນິງເຫັນວ່າ, ການຮ່ວມມືດ້ານອຸດສາຫະກຳລະຫວ່າງຈີນກັບມຽນມາມີລັກສະນະຊ່ອຍຊູຍູ້ໜູນກັນຢ່າງແຂງແຮງ, ຄຽງຄູ່ກັບການຍົກລະດັບການຮ່ວມມືດ້ານເສດຖະກິດແມ່ນ້ຳລ້ານຊ້າງ-ແມ່ນ້ຳຂອງ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ກຳລັງໄດ້ຮັບການປະຕິບັດ, ກຳລັງບົ່ມຊ້ອນດ້ານການເຕີບໂຕທາງເສດຖະກິດຂອງມຽນມາໄດ້ສະແດງອອກຢ່າງບໍ່ຢຸດຢັ້ງ, ຫວັງວ່າການຮ່ວມມືລະຫວ່າງຈີນ-ມຽນມາຈະສາມາດເສີມຂະຫຍາຍບົດບາດແບບຢ່າງແບບໃໝ່ໃນການຮ່ວມມືລຸ່ມແມ່ນ້ຳລ້ານຊ້າງ-ແມ່ນ້ຳຂອງ.
