ຕາມຂ່າວCRI: ຕອນເຊົ້າວັນທີ 27 ພຶດສະພານີ້, ທ່ານມູນ ເຈ ອິນ, ປະທານາທິບໍດີ ສ. ເກົຫຼີໄດ້ຈັດກອງປະຊຸມຂ່າວ, ເພື່ອແນະນຳສະພາບການພົບປະລະຫວ່າງປະມຸກລັດສ.ເກົາຫຼີ ກັບ ສ.ປ.ປເກົາຫຼີທີ່ຈັດຂຶ້ນໃນວັນທີ 26 ເດືອນດຽວກັນ. ທ່ານມູນ ເຈ ອິນກ່າວວ່າ, ຜູ້ນຳຂອງສ.ເກົາຫຼີ ກັບ ສ.ປ.ປເກົາຫຼີມີຄວາມເຫັນເປັນເອກະພາບກັນວ່າ, ຕ້ອນຈັດການພົບປະລະຫວ່າງຜູ້ນຳ ສ.ປ.ປເກົາຫຼີ ກັບ ອາເມລິກາຢ່າງສຳເລັດຜົນ, ແລະສືບຕໍ່ຮັກສາການຮ່ວມມືຢ່າງແໜ້ນແຟ້ນເພື່ອເລື່ອງນີ້.
ທ່ານມູນ ເຈ ອິນໄດ້ເນັ້ນວ່າ, ໃນອາທິດແລ້ວນີ້, ທ່ານໂດນານ ທຣຳປະທານາທິບໍດີອາເມລິກາກ່າວວ່າ, ຖ້າວ່າທ່ານກິມ ເຈິງ ອູນ, ປະທານຄະນະກຳມະການແຫ່ງຊາດ ສ.ປ.ປເກົາຫຼີໄດ້ສະແດງໃຫ້ເຫັນເຖິງຄວາມຕັດສິນໃຈຢ່າງເດັດດ່ຽວດ້ານການປອດນິວເຄຼຍ, ອາເມລິກາຍິນດີສິ້ນສຸດສະຖານະການທີ່ເປັນປໍລະປັກກັນ ກັບສ.ປ.ປເກົາຫຼີໃນໄລຍະຍາວ, ແລະຈະດຳເນີນການຮ່ວມມືດ້ານເສດຖະກິດກັບ ສ.ປ.ປເກົາຫຼີ.
ທ່ານມູນ ເຈ ອິນກ່າວຕື່ມວ່າ, ໃນການພົບປະທີ່ໄດ້ຈັດຂຶ້ນໃນວັນທີ 26 ພຶດສະພານີ້, ທ່ານກິມ ເຈິງ ອຸນໄດ້ສະແດງຄວາມຕັດສິນໃຈຢ່າງເດັດດ່ຽວດ້ານການບັນລຸການປອດນິວເຄຼຍຢູ່ແຫຼມເກົາຫຼີຢ່າງຈະແຈ້ງອີກເທື່ອໜຶ່ງ.
 |
