ວັນທີ 26 ພຶດສະພານີ້, ທ່ານວາງຢີ້ ທີ່ປຶກສາແຫ່ງລັດ ລັດຖະມົນຕີການຕ່າງປະເທດຈີນ ໄດ້ພົບປະເຈລະຈາກັບທ່ານ ອັນຟາ ບາຣີ ລັດຖະມົນຕີການຕ່າງປະເທດບູກີນາຟາໂຊ ທີ່ນະຄອນຫຼວງປັກກິ່ງ ແລະລົງນາມໃນ "ຖະແຫຼງການຮ່ວມກ່ຽບກັບ ສປ ຈີນ ກັບ ບູກີນາຟາໂຊ ຟື້ນຟູສາຍພົວພັນທາງການທູດ".
ທ່ານວາງຢີ້ກ່າວວ່າ, ຂ້າພະເຈົ້າກັບລັດຖະມົນຕີການຕ່າງປະເທດບູກີນາຟາໂຊໄດ້ຮ່ວມກັນລົງນາມໃນ "ຖະແຫຼງການຮ່ວມກ່ຽບກັບ ສປ ຈີນ ກັບ ບູກີນາຟາໂຊ ຟື້ນຟູສາຍພົວພັນທາງການທູດ". ໃນຖະແຫຼງການຮ່ວມ, ລັດຖະບານບູກີນາຟາໂຊຮັບຮອງວ່າໃນໂລກນີ້ມີແຕ່ປະເທດຈີນດຽວ, ລັດຖະບານ ສປ ຈີນ ແມ່ນລັດຖະບານທີ່ຊອບດ້ວຍກົດໝາຍພຽງລັດຖະບານດຽວທີ່ຕາງໜ້າທີ່ທົ່ວປະເທດຈີນ, ໄຕ້ຫວັນແມ່ນພາກສ່ວນໜຶ່ງທີ່ແບ່ງແຍກບໍ່ໄດ້ຂອງຜືນແຜ່ນດິນຈີນ. ຈີນສະແດງຄວາມຊົມເຊີຍຢ່າງສູງຕໍ່ລັດຖະບານ ບູກີນາຟາໂຊ ທີ່ໄດ້ທຳການຕັດສິນດ້ານການເມືອງທີ່ຖືກຕ້ອງຕາມກະແສຂອງຍຸກສະໄໝ.
ທ່ານບາຣີກ່າວວ່າ, ລັດຖະບານ ບູກີນາຟາໂຊສະແດງຄວາມຊົມເຊີຍຕໍ່ຜົນສຳເລັດຍິ່ງໃຫຍ່ທີ່ຈີນໄດ້ຮັບໃນການພັດທະນາ, ພ້ອມດ້ວຍຖານະສຳຄັນຂອງຈີນໃນເວທີສາກົນ, ຫວັງຢາກສ້າງການພົວພັນໝູ່ຄູ່ທີ່ສະໜິດແໜ້ນກັບຈີນ, ແລະດຳເນີນການຮ່ວມມືໃນຂົງເຂດຕ່າງໆ ເຊັ່ນ ການເມືອງ, ເສດຖະກິດ, ສັງຄົມ ແລະວັດທະນະທຳເປັນຕົ້ນ, ເພື່ອຊຸກຍູ້ການພັດທະນາຂອງປະເທດຕົນ, ແລະປະກອບສ່ວນເຂົ້າໃນການຊຸກຍູ້ການຮ່ວມມືລະຫວ່າງປະເທດອາຝຼິກາກັບຈີນ.
 |
