ໂຄງການຂົວກາວແລງຫວຽດນາມທີ່ຮັບເໝົາກໍ່ສ້າງໂດຍບໍລິສັດຈີນໄດ້ສ້າງສຳເລັດແລ້ວ

ໂຄງການຂົວກາວແລງຫວຽດນາມທີ່ຮັບເໝົາກໍ່ສ້າງໂດຍບໍລິສັດວິສະວະກຳຂົວທາງຈີນໄດ້ຈັດພິທີເປີດນຳໃຊ້ໃນວັນທີ 27 ພຶດສະພານີ້.

ທ່ານຈິນຢິນຢຸງ ຮອງນາຍົກລັດຖະມົນຕີຫວຽດນາມໄດ້ເຂົ້າຮ່ວມພິທີ ແລະ ກ່າວວ່າ, ຂົວກາວແລງມີຮູບຊົງທີ່ສວຍງາມ ແລະ ໃຊ້ເຕັກນິກກໍ່ສ້າງທີ່ທັນສະໄໝ ເຊິ່ງຈະເສີມຂະຫຍາຍບົດບາດສຳຄັນຕໍ່ການຍົກການແຂ່ງຂັນຂອງເຂດສາມຫຼ່ຽມແມ່ນ້ຳຂອງ ແລະ ມີຄວາມໝາຍສຳຄັນຕໍ່ການຊຸກຍູ້ການເຊື່ອມຈອດກັນລະຫວ່າງເຂດດັ່ງກ່າວ ກໍຄືຫວຽດນາມ ກັບປະເທດອື່ນໆໃນພາກພື້ນ.

ໂຄງການຂົວກາວແລງຕັ້ງຢູ່ພາກຕາເວັນຕົກສຽງໃຕ້ຂອງຫວຽດນາມ, ເປັນຂົວຂ້າມແມ່ນ້ຳຂອງ, ຍາວທັງໝົດ 2,4 ກິໂລແມັດ ແລະ ເປັນພາກສ່ວນປະກອບສຳຄັນຂອງໂຄງການເຊື່ອມຕໍ່ເຂດສາມຫຼ່ຽມແມ່ນ້ຳຂອງ. ຂົວດັ່ງກ່າວຈະເຮັດໃຫ້ເຄືອຂ່າຍຄົມມະນາຄົມທາງບົກພາກຕາເວັນຕົກສຽງໃຕ້ຂອງຫວຽດນາມສົມບູນຂຶ້ນ ແລະ ມີຄວາມໝາຍສຳຄັນຕໍ່ການຊຸກຍູ້ການພັດທະນາເສດຖະກິດຂອງທ້ອງຖິ່ນ.