ເຈົ້າໜ້າທີ່ກົມທາງລົດໄຟໄທເປີດເຜີຍຫວ່າງກ່ອນນີ້ບໍ່ດົນວ່າ, ສະຖານີລົດໄຟໃຫຍ່ບາງຊື່ນະຄອນຫຼວງບາງກອກທີ່ພວມກໍ່ສ້າງຈະເປີດນຳໃຊ້ໃນປີ 2020 ເຊິ່ງຈະກາຍເປັນສະຖານີລົດໄຟໃຫຍ່ທີ່ສຸດຂອງພາກພື້ນອາຊີຕາເວັນອອກສຽງໃຕ້.
ເຈົ້າໜ້າທີ່ຜູ້ນີ້ກ່າວຕື່ມວ່າ, ປັດຈຸບັນ, ໄດ້ກໍ່ສ້າງສຳເລັດໄປແລ້ວ 50%, ຄາດວ່າຈະສຳເລັດວຽກໂຍທາໂດຍພື້ນຖານໃນເດືອນພະຈິກປີໜ້າ ແລະ ເປີດນຳໃຊ້ໃນໄຕມາດທີ 3 ປີ 2020. ສະຖານີດັ່ງກ່າວມີ 3 ຊັ້ນ, ຊັ້ນໜຶ່ງເປັນຫ້ອງໂຖງໃຫຍ່ສະຖານີ, ຊັ້ນສອງເປັນຊານສາລາສະຖານີລົດໄຟທຳມະດາ ແລະ ລົດໄຟຊານເມືອງ, ຊັ້ນສາມເປັນຊານສາລາສະຖານີລົດໄຟຄວາມໄວສູງ. ນອກນີ້, ຍັງມີບ່ອນຈອດລົດໃຕ້ດິນ ແລະ ທາງຕໍ່ກັບສະຖານີລົດໄຟໃຕ້ດິນ, ມີເນື້ອທີ່ປະມານ 3 ແສນຕາແມັດ. ພາຍຫຼັງສ້າງສຳເລັດແລ້ວ, ຈະກາຍເປັນຊຸມທາງຄົມມະນາຄົມທີ່ມີທັງລົດໄຟທຳມະດາ, ລົດໄຟຄວາມໄວສູງ, ລົດໄຟຊານເມືອງ ແລະ ລົດໄຟໃຕ້ດິນ.
 |
