ຄະນະຈັດງານກິລາໂອລິມປິກລະດູໜາວປັກກິ່ງໄດ້ເປີດເຜີຍແຜນການດຳເນີນງານຊັບພະຍາກອນມະນຸດສຳລັບງານກິລາໂອລິມປິກລະດູໜາວແລະງານກິລາໂອລິມປິກຄົນພິການລະດູໜາວປັກກິ່ງ 2022ໃນວັນທີ 29 ພຶດສະພານີ້ຢູ່ນະຄອນຫຼວງປັກກິ່ງ. ຕາມແຜນການນີ້, ຄະນະຈັດງານກິລາໂອລິມປິກລະດູໜາວປັກກິ່ງຈະຕັ້ງໜ້າຮັບເອົາຊັບພະຍາກອນດີເດັ່ນຕ່າງປະເທດແລະສ້າງຕັ້ງກົນໄກຮັບສະໝັກພະນັກງານໃນຂອບເຂດທົ່ວໂລກ.
ຕາມແຜນການດັ່ງກ່າວ, ຄະນະຈັດງານກິລາໂອລິມປິກລະດູໜາວປັກກິ່ງຈະຫັນໜ້າສູ່ຖັນແຖວຊັບພະຍາກອນມະນຸດທີ່ເຂົ້າຮ່ວມວຽກງານກະກຽມໂດຍກົງ ເພື່ອຈັດຕັ້ງປະຕິບັດ 7 ໂຄງການສະເພາະຄື ທ້ອນໂຮມຊັບພະຍາກອນມະນຸດດີເດັ່ນສາກົນ, ການສ້າງຖັນແຖວພະນັກງານ, ພັດທະນາຊັບພະຍາກອນມະນຸດດ້ານການຄຸ້ມຄອງການແຂ່ງຂັນ, ການອົບຮົມກໍ່ສ້າງນັກວິຊາການມືອາຊີບ, ພັດທະນາຊັບພະຍາກອນມະນຸດດ້ານກິລາເພື່ອແຂ່ງຂັນ, ການເຄື່ອນໄຫວບໍລິການອາສາສະໝັກ, ການຕິດຕໍ່ພົວພັນແລະກໍ່ສ້າງຊັບພະຍາກອນມະນຸດນັກທຸລະກິດສັນຍາ.
ປັດຈຸບັນ, ຄະນະຈັດງານກິລາໂອລິມປິກລະດູໜາວປັກກິ່ງກຳລັງເພີ່ມທະວີການກຽມຊັບພະຍາກອນມະນຸດວິຊາສະເພາະຕ່າງໆເຊັ່ນ ຜູ້ຄຸ້ມຄອງການແຂ່ງຂັນ,ເຈົ້າໜ້າທີ່ວິຊາການ,ພະນັກງານປະຈຳສະໜາມແຂ່ງຂັນ,ອາສາສະໝັກ,ເຈົ້າໜ້າທີ່ຮັກສາຄວາມປອດໄພ,ການປິ່ນປົວແລະດ້ານອື່ນໆຂອງການແຂ່ງຂັນແລະອື່ນໆ; ສ້າງຕັ້ງລະບົບຝຶກອົບຮົມມືອາຊີບທີ່ໄດ້ມາດຕະຖານສາກົນ ແລະອອກແຮງນຳເຂົ້າຊັບພະຍາກອນທີ່ມີຄຸນນະພາບດີຈາກຕ່າງປະເທດ.
 |
