ວັນທີ 28 ພຶດສະພານີ້, ສະຫະພາບເອີຣົບໄດ້ຈັດກອງປະຊຸມລັດຖະມົນຕີກະຊວງການຕ່າງປະເທດ ເພື່ອປຶກສາຫາລືບັນຫາສັນຍານິວເຄຼຍອີຣານ, ສະພາບການເຂດກາຊາ ແລະຊີຣີ ພ້ອມກັບບັນຫາອື່ນໆ. ທ່ານນາງແຟເດີຣີກາ ໂມແກຣີນ ຜູ້ຕາງໜ້າສູງສຸດດ້ານນະໂຍບາຍການທູດ ແລະຄວາມໝັ້ນຄົງຂອງສະຫະພາບເອີຣົບກ່າວກ່ຽວກັບຄຳໝັ້ນສັນຍາທາງດ້ານເສດຖະກິດຂອງສະຫະພາບເອີຣົບຕໍ່ອີຣານໃນກອງປະຊຸມຂ່າວວ່າ: ການກູ້ຄືນສັນຍານິວເຄຼຍອີຣານພົວພັນກັບຄວາມໝັ້ນຄົງຂອງສະຫະພາບເອີຣົບ ແຕ່ບໍ່ແມ່ນຜົນປະໂຫຍດທາງດ້ານເສດຖະກິດ.
ທ່ານນາງໂມແກຣິນກ່າວຕື່ມວ່າ: ຖ້າບໍ່ມີສັນຍານິວເຄຼຍອີຣານ, ຄວາມໝັ້ນຄົງຂອງພາກພື້ນ ແລະສະຫະພາບເອີຣົບຈະຕົກຢູ່ໃນຄວາມອັນຕະລາຍ ຖ້າສັນຍານີ້ບໍ່ມີຜົນສັກສິດອີກ, ຂ້າພະເຈົ້າຄິດວ່າ ບໍ່ມີວິທີອື່ນໃດທີ່ຈະສາມາດເຮັດໃຫ້ພາກພື້ນດັ່ງກ່າວມີຄວາມໝັ້ນຄົງກວ່າເກົ່າ."
ວັນທີ 8 ພຶດສະພານີ້, ທ່ານທຣຳ ປະທານາທິບໍດີອາເມລິກາໄດ້ປະກາດອາເມລິກາຖອນອອກຈາກສັນຍານິວເຄຼຍອີຣານ ແລະເລີ່ມການຂວ້ຳບາດຕໍ່ອີຣານທີ່ໄດ້ຍົກເວັ້ນຫຼັງເຊັນສັນຍາດັ່ງກ່າວ.
 |
