ກອງປະຊຸມຄັ້ງທີ 18 ຂອງສະພາມົນຕີປະມຸກລັດປະເທດສະມາຊິກອົງການຮ່ວມມືຊຽງໄຮຈະຈັດຂຶ້ນຢູ່ນະຄອນຊິງຕາວ ແຕ່ວັນທີ 9 ຫາ 10 ມິຖຸນາໜ້ານີ້, ທ່ານປຣາດີບ ກູມາ ເກຍວາລີ ລັດຖະມົນຕີການຕ່າງປະເທດເນປານໃຫ້ສຳພາດຕໍ່ນັກຂ່າວວ່າ, ອົງການຮ່ວມມືຊຽງໄຮຈະສາມາດເສີມຂະຫຍາຍບົດບາດສຳຄັນກວ່າເກົ່າ ແລະ ເນປານຈະຕັ້ງໜ້າເຂົ້າຮ່ວມກອງປະຊຸມສຸດຍອດຊິງຕາວ.
ທ່ານເກຍວາລີກ່າວວ່າ, ອົງການຮ່ວມມືຊຽງໄຮຈະເສີມຂະຫຍາຍບົດບາດທີ່ເລິກເຊິ່ງຍາວໄກຕໍ່ການພັດທະນາ ແລະ ສະຖຽນລະພາບຂອງພາກພື້ນ ກໍຄືຂອງໂລກ. ປັດຈຸບັນ, ການພັດທະນາດ້ານເສດຖະກິດ, ວັດທະນະທຳ ແລະ ການຕັ້ງຫົວຂໍ້ສາກົນຂອງອາຊີລ້ວນແຕ່ມີຄວາມຄືບໜ້າຢ່າງໃຫຍ່ຫຼວງ. ເນປານຍິນດີຮ່ວມກັບປະເທດທີ່ກ່ຽວຂ້ອງ, ອອກແຮງເພື່ອການພັດທະນາຂອງອາຊີ ແລະ ເຮັດໃຫ້ອາຊີກາຍເປັນສູນການພັດທະນາ ແລະ ການປະດິດສ້າງໃໝ່ຂອງໂລກປັດຈຸບັນ ພາຍໃຕ້ຂອບອົງການຮ່ວມມືຊຽງໄຮ.
 |
