ພິທີເລີ່ມການລາດຕະເວນຮ່ວມຢູ່ອີຕາລີຄັ້ງທີ 3 ລະຫວ່າງຕຳຫຼວດຈີນ ແລະ ອີຕາລີໄດ້ຈັດຂຶ້ນຢູ່ນະຄອນຫຼວງໂຣມໃນວັນທີ 28 ພຶດສະພານີ້ ແລະ ເລີ່ມແຕ່ວັນດັ່ງກ່າວໄປຫາວັນທີ 17 ມິຖຸນາໜ້ານີ້, ເຈົ້າໜ້າທີ່ຕຳຫຼວດ 10 ຄົນຂອງຈີນຈະແບ່ງເປັນ 4 ຈຸ ແລະ ຮ່ວມລາດຕະເວນກັບເຈົ້າໜ້າທີ່ຕຳຫຼວດອີຕາລີຢູ່ 4 ຕົວເມືອງອີຕາລີ ເພື່ອຊ່ວຍເຈົ້າໜ້າທີ່ອີຕາລີແກ້ໄຂບັນຫາດ້ານຄວາມປອດໄພຂອງຊາວຈີນຢູ່ອີຕາລີ ແລະ ປະຊາຊົນຈີນທີ່ໄປທ່ຽວອີຕາລີ.
ໃນຫຼາຍປີມານີ້, ການພົວພັນຈີນ-ອີຕາລີໄດ້ຂະຫຍາຍຕົວຢ່າງບໍ່ຢຸດຢັ້ງ ແລະ ສອງປະເທດໄດ້ຮັກສາການໄປມາຫາສູ່ດ້ານວັດທະນະທຳຢ່າງເປັນປະຈຳ. ການລາດຕະເວນຮ່ວມຈະມີຜົນດີຊ່ວຍໃຫ້ລົງເລິກການຮ່ວມມືດ້ານປະຕິບັດກົດໝາຍລະຫວ່າງສອງປະເທດ, ປົກປ້ອງຄວາມປອດໄພດ້ານຊັບສິນ ແລະ ຊີວິດຂອງປະຊາຊົນຈີນ ແລະ ຊາວຈີນທີ່ອາໃສຢູ່ອີຕາລີ, ສ່ອງແສງໃຫ້ເຫັນພາບລັກທີ່ດີງາມ ແລະ ຄຸນສົມບັດທີ່ດີຂອງເຈົ້າໜ້າທີ່ຕຳຫຼວດຈີນ ແລະ ໄດ້ຮັບການຕ້ອນຮັບແລະເຫັນດີເປັນຢ່າງສູງຈາກປະຊາຊົນສອງປະເທດ.
 |
