ວັນທີ 28 ພຶດສະພານີ້, ສະຖາບັນຄົ້ນຄວ້າມຽນມາຂອງມະຫາວິທະຍາໄລຢຸນນານຈີນ ແລະ "ເຮືອນເກົ່າອູທັນ" ເຊິ່ງເປັນອົງການສາທາລະນະປະໂຫຍດຂອງມຽນມາໄດ້ຮ່ວມກັນເປັນເຈົ້າພາບຈັດ "ກອງປະຊຸມສຳມະນາແລວທາງເສດຖະກິດຈີນ-ມຽນມາ" ຢູ່ນະຄອນຢາງກຸ້ງທີ່ເປັນຕົວເມືອງໃຫຍ່ອັນດັບໜຶ່ງຂອງມຽນມາ,ໂດຍໄດ້ປະກອບຄຳຄິດຄຳເຫັນກ່ຽວກັບການຊຸກຍູ້ການສ້າງແລວທາງເສດຖະກິດຈີນ-ມຽນມາ.
ຜູ້ແທນຈາກມະຫາວິທະຍາໄລແລະສະຖາບັນການສຶກສາຊັ້ນສູງຈີນ,,ວົງການການເມືອງ, ວົງການການຄ້າ ແລະ ວົງການວິຊາການຂອງມຽນມາຫຼາຍທ່ານໄດ້ເຂົ້າຮ່ວມການສຳມະນາດັ່ງກ່າວ.ໂດຍໄດ້ຄົ້ນຄວ້າປຶກສາຫາລືກ່ຽວກັບ 3 ຫົວຂໍ້ຄື: "ການເຊື່ອມຈອດຄົມມະນາຄົມ", "ການຮ່ວມມືດ້ານພະລັງງານແລະແລວທາງເສດຖະກິດຈີນ-ມຽນມາ" "ວັດທະນະທຳ, ການເຊື່ອມສຳພັນທາງຈິດໃຈຂອງປະຊາຊົນແລະແລວທາງເສດຖະກິດຈີນ-ມຽນມາ".
ໃນກອງປະຊຸມ,ບັນດາຜູ້ແທນຍັງໄດ້ຮ່ວມສະເໜີຄວາມຄິດຂອງຕົນກ່ຽວກັບວິທີທາງໃນການຊຸກຍູ້ການເຊື່ອມຈອດກັນ, ການຮ່ວມມືດ້ານພະລັງງານ, ການແລກປ່ຽນດ້ານວັດທະນະທຳແລະການຮ່ວມມືໃນຂົງເຂດອື່ນໆໃນຂອບແລວທາງເສດຖະກິດຈີນ-ມຽນມາຕື່ມອີກ.
 |
