ຜູ້ຊ່ວຍລັດຖະມົນຕີການຕ່າງປະເທດຈີນຈະເຂົ້າຮ່ວມກອງປະຊຸມເຈົ້າໜ້າທີ່ຂັ້ນສູງການຮ່ວມມືອາຊີຕາເວັນອອກ
2018-05-30 18:39:19 cri
ວັນທີ 29 ພຶດສະພານີ້, ທ່ານຮ້ວາຊຸ່ນຢີງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວຢູ່ນະຄອນຫຼວງປັກກິ່ງວ່າ: ແຕ່ວັນທີ 6 ຫາວັນທີ 8 ມິຖຸນານີ້, ຈະມີກອງປະຊຸມເຈົ້າໜ້າທີ່ຂັ້ນສູງອາຊຽນກັບຈີນ, ຍີ່ປຸ່ນ ແລະສ.ເກົາຫຼີ (10+3), ກອງປະຊຸມເຈົ້າໜ້າທີ່ຂັ້ນສູງຂອງກອງປະຊຸມສຸດຍອດອາຊີຕາເວັນອອກ(EAS), ກອງປະຊຸມເຈົ້າໜ້າທີ່ຂັ້ນສູງເວທີປຶກສາຫາລືພາກພື້ນອາຊຽນ ແລະກອງປະຊຸມປຶກສາຫາລືລະຫວ່າງເຈົ້າໜ້າທີ່ຂັ້ນສູງຈີນ-ອາຊຽນເທື່ອທີ 24 ຈະຈັດຂຶ້ນຢູ່ປະເທດສິງກະໂປ. ທ່ານເຊີນສຽວຕຸ່ງ ຜູ້ຊ່ວຍລັດຖະມົນຕີກະຊວງການຕ່າງປະເທດຈີນພ້ອມດ້ວຍຄະນະຈະເຂົ້າຮ່ວມກອງປະຊຸມດັ່ງກ່າວ. ທ່ານຮ້ວາຊຸ່ນຢີງກ່າວຕື່ມວ່າ: ກອງປະຊຸມຈະສຸມໃສ່ປຶກສາຫາລືທິດທາງການພັດທະນາກົນໄກການຮ່ວມມື ແລະການຮ່ວມມືຕົວຈິງໃນຂົງເຂດຕ່າງໆ, ແລກປ່ຽນຄວາມເຫັນກ່ຽວກັບບັນຫາພາກພື້ນສາກົນທີ່ສົນໃຈຮ່ວມກັນ ເພື່ອກະກຽມໃຫ້ແກ່ກອງປະຊຸມຕ່າງໆຜູ້ນຳການຮ່ວມມືອາຊີຕາເວັນອອກ ແລະກອງປະຊຸມຕ່າງໆລັດຖະມົນຕີກະຊວງການຕ່າງປະເທດທີ່ຈະຈັດຂຶ້ນໃນໄລຍະເຄິ່ງຫຼັງປີ 2018 ນີ້.
