ວັນທີ 29 ພຶດສະພານີ້, ເຈົ້າໜ້າທີ່ຂ່າວສານ ແລະນັກຂ່າວຟິລິບປິນທີ່ເຂົ້າຮ່ວມຊຸດອົບຮົມໄດ້ຢ້ຽມຢາມສຳນັກຂ່າວສານຈີນ ເຊິ່ງສຳມະນາກອນດັ່ງກ່າວມີ 22 ຄົນ ລວມທັງເຈົ້າໜ້າທີ່ຫ້ອງການຖະແຫຼງຂ່າວປະທານາທິບໍດີ ແລະອົງການຂ່າວສານແຫ່ງຊາດ ພ້ອມດ້ວຍຈາກສື່ມວນຊົນຕົ້ນຕໍຟິລິບປິນ.
ສຳມະນາກອນຟິລິບປິນໄດ້ຢ້ຽຢຢາມສຳນັກຂ່າວສານຈີນຫຼາຍແຫ່ງ ຄື: ວາລະສານຂ່າວສານຈີນລາຍອາທິດ, ເວັບໄຊຂ່າວສານຈີນ, ສູນກາງຕ່າງປະເທດ, ສູນຜະລິດວິດີໂອ ແລະອື່ນໆ, ພ້ອມທັງໄດ້ແລກປ່ຽນພົບປະເຊິ່ງກັນ ແລະກັນອີກດ້ວຍ.
ຊຸດອົບຮົມດັ່ງກ່າວແມ່ນຫ້ອງການຖະແຫຼງຂ່າວລັດຖະບານຈີນ ແລະກະຊວງການຄ້າຈີນຮ່ວມກັນເປັນເຈົ້າພາບ ແລະຈັດຕັ້ງປະຕິບັດໂດຍກຸ່ມພິມຈຳໜ່າຍສາກົນຈີນ.
 |
