ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມພົບປະນັກຂ່າວຈີນແລະຕ່າງປະເທດໃນວັນທີ 30 ພຶດສະພານີ້ໂດຍເຊີນຜູ້ພິພາກສາຂັ້ນຮາກຖານມາເລົ່າກ່ຽວກັບຕຸລາການເພື່ອປະຊາຊົນທັງແລກປ່ຽນກັບນັກຂ່າວຈີນແລະຕ່າງປະເທດກ່ຽວກັບການຊຸກຍູ້ວຽກງານຕຸລາການເພື່ອປະຊາຊົນແນວໃດ.
ທ່ານກ່າວສ້ຽວລີ້ ຜູ້ພິພາກສາສານທີ 4 ຂອງສານປະຊາຊົນສູງສຸດຈີນເຫັນວ່າ: ການຍຶດໝັ້ນຫຼັກການຕັດສິນຕາມຫຼັກຖານເປັນເນື້ອໃນສຳຄັນອັນໜຶ່ງໃນການປະຕິຮູບລະບຽບການດຳເນີນຄະດີອາຍາ, ສານປະຊາຊົນຈະສືບຕໍ່ຍຶດໝັ້ນຫຼັກການນີ້ເພື່ອຮັບປະກັນໃຫ້ຄະດີອາຍາທຸກໆຄະດີຈະໄດ້ຮັບການແກ້ໄຂຢ່າງຍຸຕິທຳ.
ທ່ານນາງຈ່ຽງຢິງ ຜູ້ພິພາກສາຂອງສານສັບຊິນທາງປັນຍານະຄອນຫຼວງປັກກິ່ງຢືນຢັນວ່າ: ການປົກປ້ອງສັບຊິນທາງປັນຍາຄືເປັນການປົກປ້ອງການປະດິດສ້າງ ແລະເພື່ອປົກປັກຮັກສາສິດແລະຜົນປະໂຫຍດຂອງເຈົ້າຂອງລິຂະສິດ，ສານຊັບສິນທາງປັນຍາໄດ້ປະຕິບັດມາດຕະການຕ່າງໆ ເຊິ່ງໄດ້ເພີ່ມຄວາມໝັ້ນໃຈໃຫ້ເຈົ້າຂອງລິຂະສິດໃນການປົກປ້ອງຊັບສິນທາງປັນຍາທາງຕຸລາການ.
ນອກນີ້, ບັນດາຜູ້ພິພາກສາຂັ້ນຮາກຖານຍັງໄດ້ແລກປ່ຽນບົດຮຽນໃນການແກ້ໄຂບັນຫາຂໍ້ຫຍຸ້ງຍາກສັບສົນໃນການປະຕິບັດໜ້າທີ່ວຽກງານຕົວຈິງ.
 |
