ງານວາງສິລະປະປະເທດສະມາຊິກອົງການຮ່ວມມືຊຽງໄຮຢູ່ນະຄອນຫຼວງປັກກິ່ງທີ່ກະຊວງວັດທະນະທຳແລະທ່ອງທ່ຽວຈີນຈັດຂຶ້ນໄດ້ໄຂຂຶ້ນຢູ່ໂຮງລະຄອນປາວລີ້ທີ່ນະຄອນຫຼວງປັກກິ່ງໃນຕອນຄ່ຳວັນທີ 30 ພຶດສະພານີ້. ທ່ານໂລ້ຊູ້ກ່າງ ລັດຖະມົນຕີກະຊວງວັດທະນະທຳແລະທ່ອງທ່ຽວຈີນໄດ້ເຂົ້າຮ່ວມພິທີໄຂແລະກ່າວປາໄສ.
ວົງດົນຕີຊົນເຜົ່າທີ່ມີຊື່ສຽງໂດ່ງດັງຈາກຈີນ, ກຽກກິດສະຖານ, ຣັດເຊຍແລະອຸສເບກີສະຖານໄດ້ສະແດງລາຍການທີ່ມີເປັນເອກະລັກຂອງປະເທດຕົນ. ໃນໄລຍະຈັດງານວາງສິລະປະດັ່ງກ່າວຍັງຈະຈັດງານວາງສະແດງພາບຖ່າຍມໍລະດົກວັດທະນະທຳຂອງອົງການຮ່ວມມືຊຽງໄຮອີກ, ແລະນັກສິລະປິນຈາກປະເທດຕ່າງໆທີ່ມາປະເທດຈີນມາເຂົ້າຮ່ວມງານຍັງຈະໄດ້ ແລກປ່ຽນການສະແດງສິລະປະຕ່າງໆ, ການຄົ້ນຄວ້າສີມືແລະອື່ນໆຮ່ວມກັນອີກດ້ວຍ.
ງານວາງສິລະປະຄັ້ງນີ້ຈະດຳເນີນຮອດວັນທີ 1 ມິຖຸນາໜ້ານີ້.
 |
