ຟັງ! ຫຼາຍເລື່ອງທີ່ອົບອຸ່ນລະຫວ່າງ "ເພື່ອນໃຫຍ່" ສີຈິ້ນຜິງແລະເດັກນ້ອຍຈີນແລະຕ່າງປະເທດ

ເລື່ອງທີ 4: ເຄີຍຮ້ອງໄຫ້ຍ້ອນບໍ່ໄດ້ເຂົ້າເປັນສະມາຊິກກອງເຍົາວະຊົນໃນຊຸດທີໜຶ່ງ

ເວລາລົມກັບເພື່ອນນ້ອຍ,
ທ່ານສີຈິ້ນຜິງມັກຟັງເຂົາເຈົ້າເລົ່າເລື່ອງຂອງຕົນເອງ,
ແລະກໍ່ຍິນດີແບ່ງປັນເລື່ອງໃນຍາມຍັງນ້ອຍ
ຂອງຕົນເອງເຊັ່ນກັນ.
ທ່ານຮຽນຢູ່ໂຮງຮຽນປະຖົມຊົນເຜົ່າເມືອງໄຫຕ້ຽນຂອງນະຄອນຫຼວງປັກກິ່ງ
ໃນເວລາຫວນຄືນອະດີດທີ່ຈັດພິທີເຂົ້າຮ່ວມກອງເຍົາວະຊົນ
ເຄີຍຮ້ອງໄຫ້ຍ້ອນບໍ່ໄດ້ເຂົ້າເປັນສະມາຊິກຊຸດທີໜຶ່ງ,
ຫຼັງຈາກໄດ້ເຂົ້າແລ້ວ ຮູ້ສຶກຕື່ນເຕັ້ນເປັນພິເສດ.
ເມື່ອໄດ້ເຫັນເພື່ອນນ້ອຍຂຽນຄຳວ່າ "ຕອບບຸນແທນຄຸນປະເທດຊາດ" ດ້ວຍສໍຟອຍ
ທ່ານຫວນຄືນວ່າ ໄລຍະທ່ານອາຍຸ 4-5 ປີ
ແມ່ເຄີຍຊື້ປື້ມປະກອບຮູບແຕ້ມກ່ຽວກັບເລື່ອງຂອງເຢວ້ເຟີຍ
ເຊິ່ງແມ່ໄດ້ເລົ່າເລື່ອງກ່ຽວກັບ ແມ່ຂອງເຢວ້ເຟີຍ ປັກໂຕໜັງສືໃສ່ຫຼັງເຢວ້ເຟີຍ
ທ່ານຖາມແມ່ວ່າ:
"ປັກໂຕໜັງສືໃສ່ທາງຫຼັງບໍ່ເຈັບບໍ່?"
ແມ່ບອກວ່າ:
"ເຈັບແທ້, ແຕ່ເຢວ້ເຟີຍກໍ່ຈະຈົດຈຳໄວ້ໃນໃຈຕະຫຼອດໄປ."
ທ່ານສີຈິ້ນຜິງບອກພວກນ້ອງໆວ່າ,
ຄຳວ່າ "ຕອບບຸນແທນຄຸນປະເທດຊາດ"
ທ່ານໄດ້ຈົດຈຳໄວ້ຕະຫຼອດເຖິງດຽວນີ້
ແລະກໍ່ແມ່ນເປົ້າໝາຍສູ້ຊົນຂອງຕົນເອງຕະຫຼອດຊີວິດ.

1 2 3 4 5 6 7 8 9 10 11