ວັນທີ 30 ພຶດສະພານີ້, ທ່ານມາຮາເທຍ ບິນ ໂມຮາມັດ ນາຍົກລັດຖະມົນຕີມາເລເຊຍໄດ້ກ່າວຢູ່ສຳນັກງານນາຍົກລັດຖະມົນຕີເມືອງປູຕຼາຈາຢາວ່າ: ຈະຢຸດການຄົ້ນຫາເຮືອບິນມາເລເຊຍMH 370, ແຕ່ຖ້າມີຂໍ້ມູນໃໝ່ລັດຖະບານອາດເລີ່ມການຄົ້ນຫາອີກ.
ທ່ານມາຮາເທຍກ່າວຕໍ່ນັກຂ່າວພາຍຫຼັງເຂົ້າຮ່ວມກອງປະຊຸມຄະນະລັດຖະບານວ່າ: ການຄົ້ນຫາໃນຫຼາຍເດືອນຜ່ານມາກໍບໍ່ມີໝາກຜົນຫຍັງ, ການຄົ້ນຫາບໍ່ສາມາດດຳເນີນຕໍ່ໄປໄດ້, ສະນັ້ນເຖິງເວລາຢຸດຕິໃນການຄົ້ນຫາແລ້ວ. ທ່ານກ່າວຕື່ມວ່າ: ຖ້າມີໃຜສາມາດສະໜອງຂໍ້ມູນທີ່ກ່ຽວຂ້ອງໄດ້ຕື່ມ, ມາເລເຊຍອາດເລີ່ມຄົ້ນຫາຄືນອີກຄັ້ງໜຶ່ງ.
 |
