ທ່ານກ່າວເຟີງ ໂຄສົກກະຊວງການຄ້າຈີນກ່າວໃນວັນທີ 31 ພຶດສະພາຜ່ານມາວ່າ, ພາຍຫຼັງອງການຮ່ວມມືຊຽງໄຮສ້າງຕັ້ງຂຶ້ນມານີ້, ການຮ່ວມມືໃນຂົງເຂດເສດຖະກິດການຄ້າໄດ້ຮັບໝາກຜົນທີ່ປະຈັກຕາ, ໃນໄຕມາດທີໜຶ່ງປີນີ້, ມູນຄ່າການຄ້າລະຫວ່າງຈີນແລະປະເທດສະມາຊິກອົງການຮ່ວມມືຊຽງໄຮໄດ້ເພີ່ມຂຶ້ນ 20,7%.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 31 ພຶດສະພາຜ່ານມານີ້, ທ່ານກ່າວເຟີງ ກ່າວວ່າ, ປີ 2017, ຍອດມູນຄ່າການຄ້າລະຫວ່າງຈີນແລະປະເທດສະມາຊິກອົງການຮ່ວມມືຊຽງໄຮບັນລຸເຖິງ 217 ຕື້ 600 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 19%. ໃນໄຕມາດທີໜຶ່ງມູນຄ່າການຄ້າສືບຕໍ່ຮັກສາທ່າອຽງເພີ່ມຂຶ້ນທີດີ. ມາຮອດທ້າຍເດືອນເມສາປີນີ້, ການລົງທຶນຂອງຈີນຕໍ່ປະເທດສະມາຊິກອົງການຮ່ວມມືຊຽງໄຮປະເພດຕ່າງໆມີປະມານ 84 ຕື້ໂດລາສະຫະລັດ, ມີໂຄງການຂະໜາດໃຫຍ່ຮ່ວມກັນດຳເນີນຢ່າງສະດວກ. ພ້ອມກັນນັ້ນ, ມູນຄ່າຮັບເໝົາໂຄງການຂອງຈີນຈາກປະເທດສະມາຊິກອົງການຮ່ວມມືຊຽງໄຮໄດ້ບັນລຸເຖິງ 156 ຕື້ 900 ລ້ານໂດລາສະຫະລັດ, ກາຍເປັນໂຄງການໂຕແບບຂອງພາກພື້ນ.
 |
