ອາເມລິກາຈະເກັບພາສີສູງຕໍ່ຜະລິດຕະພັນເຫຼັກກ້າ ແລະອາລູມີນຽມຂອງສະຫະພາບເອີຣົບ

ວັນທີ 31 ພຶດສະພາຜ່ານມາ, ທ່ານວີວເບີ ໂຣສ ລັດຖະມົນຕີກະຊວງການຄ້າອາເມລິກາກ່າວວ່າ: ອາເມລິກາຈະເກັບພາສີ 25% ຕໍ່ຜະລິດຕະພັນເຫຼັກກ້າ ແລະ 10% ຕໍ່ຜະລິດຕະພັນອາລູມີນຽມຈາກສະຫະພາບເອີຣົບ, ການາດາ ແລະເມັກຊິກນັບແຕ່ວັນທີ 1 ມິຖຸນານີ້ເປັນຕົ້ນມາ.
ທ່ານໂຣສແຈ້ງຂ່າວທາງໂທລະສັບວ່າ: ທ່ານໂດນັນ ທຣຳ ປະທານາທິບໍດີອາເມລິກາໄດ້ຕັດສິນໃຈຢຸດເຊົາການຍົກເວັ້ນການເກັບພາສີຕໍ່ຜະລິດຕະພັນເຫຼັກກ້າ ແລະອາລູມີນຽມຈາກ 3 ກຸ່ມເສດຖະກິດ ຄື: ສະຫະພາບເອີຣົບ, ການາດາ ແລະເມັກຊິກ.
ທ່ານກ່າວຕື່ມວ່າ: ອາເມລິກາໄດ້ບັນລຸຄວາມເຫັນເປັນເອກະພາບກັນກັບອາກຊັງຕີນ, ອົດສະຕຣາລີ ແລະເບຼຊິນກ່ຽວກັບການຈຳກັດການສົ່ງອອກຜະລິດຕະພັນເຫຼັກກ້າ ແລະອາລູມີນຽມໃຫ້ອາເມລິກາ. ຂະນະດຽວກັນ, ລັດຖະບານທຣຳຄອງຄອຍຈະສືບຕໍ່ດຳເນີນການເຈລະຈາການຄ້າກັບສະຫະພາບເອີຣົບ, ການາດາ ແລະເມັກຊິກ.