ທ່ານໂດນັນ ທຣຳ ປະທານາທິບໍດີອາເມລິກາກ່າວໃນວັນທີ 1 ມິຖຸນານີ້ວ່າ, ການພົບປະ ລະຫວ່າງຕົນແລະທ່ານກິມເຈິງອຸນ ຜູ້ນຳສູງສຸດ ສປປ ເກົາຫຼີຈະຈັດຂຶ້ນຢູ່ສິງກະໂປໃນວັນທີ 12 ມິຖຸນານີ້ຕາມເວລາກຳນົດ.
ພາຍຫຼັງຕ້ອນຮັບການເຂົ້າຢ້ຽມຄຳນັບຂອງທ່ານກິມຢົງໂຊ ຮອງປະທານຄະນະກຳມະການສູນກາງພັກແຮງງານ ເກົາຫຼີຢູ່ທຳນຽບຂາວໃນວັນທີ 1 ມິຖຸນານີ້, ທ່ານທຣຳກ່າວຕໍ່ສື່ມວນຊົນວ່າ, ການຕິດຕໍ່ພົວພັນກັບ ສປປ ເກົາຫຼີແມ່ນ "ຂະບວນການອັນໜຶ່ງ". ສອງຝ່າຍພວມສ້າງສາຍພົວພັນ, ນີ້ແມ່ນທ່າອຽງຢ່າງຕັ້ງໜ້າ. ທ່ານທຣຳໄດ້ສະແດງຄວາມຊົມເຊີຍຕໍ່ຈີນເສີມຂະຫຍາຍບົດບາດໃນດ້ານການຊຸກຍູ້ການເຈລະຈາລະຫວ່າງອາເມລິກາແລະສປປ ເກົາຫຼີ, ແລະກ່າວຄວາມເຊື່ອໝັ້ນວ່າ ສປປ ເກົາຫຼີມີຄວາມຍິນດີຊຸກຍູ້ໃຫ້ແຫຼມເກົາຫຼີປອດອາວຸດນິວເຄຼຍ, ພ້ອມກັນນັ້ນທ່ານເຊື່ອວ່າອາເມລິກາແລະ ສປປ ເກົາຫຼີຈະໄດ້ຮັບໝາກຜົນຢ່າງຕັ້ງໜ້າໃນທີ່ສຸດໂດຍຜ່ານຄວາມພະຍາຍາມຮ່ວມກັນ.
 |
