ກອງປະຊຸມສົນທະນາແຊງກຣີລາຄັ້ງທີ 17 ທີ່ຈະດຳເນີນເປັນເວລາ 3 ວັນໄດ້ໄຂຂຶ້ນຢູ່ສິງກະໂປໃນວັນທີ 1 ມິຖຸນານີ້, ມີລັດຖະມົນຕີປ້ອງກັນປະເທດຈາກ 17 ປະເທດ, ນາຍທະຫານຊັ້ນສູງແລະນັກວິຊາການຈາກ 40 ປະເທດ 600 ກວ່າທ່ານໄດ້ເຂົ້າຮ່ວມກອງປະຊຸມ.
ໃນໄລຍະປະຊຸມ, ຜູ້ແທນປະເທດຕ່າງໆໄດ້ປຶກສາຫາລືກ່ຽວກັບຫົວຂໍ້ຕ່າງໆເຊັ່ນ: ການຜ່ອນຄາຍວິກິດການນິວເຄຼຍແຫຼມເກົາຫຼີທີ່ເຂດອາຊີປາຊີຟິກຜະເຊີນໜ້າ, ລະບຽບຄວາມໝັ້ນຄົງອາຊີທີ່ພວມປ່ຽນແປງ, ລັດທິກໍ່ການຮ້າຍແລະການຕໍ່ຕ້ານລັດທິກໍ່ການຮ້າຍ, ການຮ່ວມມືຄວາມໝັ້ນຄົງຂອງພາກພື້ນແລະອື່ນໆ, ແລະໄດ້ຈັດການພົບປະກັນສອງຝ່າຍແລະຫຼາຍຝ່າຍດ້ວຍຫຼາຍຮູບການ.
ທ່ານເຮີເລ ຮອງຫົວໜ້າສະຖາບັນວິທະຍາສາດການທະຫານກອງທັບປົດປ່ອຍປະຊາຊົນຈີນພ້ອມດ້ວຍຄະນະໄດ້ເຂົ້າຮ່ວມກອງປະຊຸມ. ຄະນະຜູ້ແທນຈີນຈະປະກອບຄຳເຫັນກ່ຽວກັບຫົວຂໍ້ "ຜົນກະທົບຍຸດທະສາດຂອງການພັດທະນາກຳລັງການທະຫານຢູ່ເຂດອາຊີປາຊີຟິກ", ຕົ້ນຕໍນະໂຄສະນາທັດສະນະສຳຄັຂອງຈີນກ່ຽວກັບການສ້າງປະຊາຄົມຮ່ວມຊາຕາກຳຂອງມວນມະນຸດ, ສ້າງການພົວພັນສາກົນແບບໃໝ່ແລະອື່ນໆ. ຈີນຍັງຈະແລກປ່ຽນຄວາມເຫັນຢ່າງເລິກເຊິ່ງກັບພາກສ່ວນປ້ອງກັນປະເທດນາຍທະຫານແລະນັກວິຊາການຂອງປະເທດຕ່າງໆທີ່ເຂົ້າຮ່ວມກອງປະຊຸມກ່ຽວກັບຂົງເຂດປ້ອງກັນຄວາມໝັ້ນຄົງແລະອື່ນໆ, ເພື່ອບັນລະຍາຍຈຸດຢືນແລະທັດສະນະຂອງຈີນ.
 |
