ວັນທີ 1 ມິຖຸນານີ້, ກອງປະຊຸມສຸດຍອດສື່ມວນຊົນຄັ້ງທຳອິດຂອງອົງການຮ່ວມມືຊຽງໄຮໄດ້ຈັດຂຶ້ນຢູ່ນະຄອນຫຼວງປັກກິ່ງ, ຜູ້ຮ່ວມປະຊຸມໄດ້ປຶກສາຫາລືໂດຍປິ່ນອ້ອມຫົວຂໍ້ "ສົ່ງເສີມນ້ຳໃຈຊຽງໄຮ ເປີດຍຸກໃໝ່ແຫ່ງການຮ່ວມມືຂອງສື່ມວນຊົນ" ແລະສະແດງໃຫ້ເຫັນວ່າ ຈະຖືກອງປະຊຸມສຸດຍອດເທື່ອນີ້ເປັນຈຸດເລີ່ມຕົ້ນ ເພື່ອສືບຖອດ ແລະສົ່ງເສີມນ້ຳໃຈຊຽງໄຮ, ລົງເລິກການຮ່ວມມື ແລະການແລກປ່ຽນຂອງສື່ມວນຊົນ, ປະກອບສ່ວນໃໝ່ເຂົ້າໃນການສ້າງອົງການຮ່ວມມືຊຽງໄຮທີ່ມີຄວາມໝັ້ນຄົງ ສະຖຍນລະພາບ, ພັດທະນາ ແລະຈະເລີນຮຸ່ງເຮືອງ.
ກອງປະຊຸມສຸດຍອດຄັ້ງທຳອິດໄດ້ຈັດຂຶ້ນໂດຍຫ້ອງການຖະແຫຼງຂ່າວລັດຖະບານຈີນ ເຊິ່ງມີເຈົ້າໜ້າທີ່ພາກສ່ວນຖະແຫຼງຂ່າວ, ທູຕານຸທູດປະຈຳຈີນ, ຜູ້ຮັບຜິດຊອບສື່ມວນຊົນຕົ້ນຕໍ ແລະຜູ້ແທນພາກສ່ວນທີ່ກ່ຽວຂ້ອງຈາກບັນດາປະເທດ ສະມາຊິກອົງການຮ່ວມມືຊຽງໄຮຈຳນວນຫຼາຍກວ່າ 260 ຄົນໄດ້ເຂົ້າຮ່ວມ. ສື່ມວນຊົນພາຍໃນ ແລະຕ່າງປະເທດຫຼາຍກວ່າ 110 ແຫ່ງໄດ້ຮ່ວມກັນອອກ "ຂໍ້ລິເລີ່ມກ່ຽວກັບການເພີ່ມທະວີການຮ່ວມມື ແລະການແລກປ່ຽນຂອງສື່ມວນຊົນຂອງກອງປະຊຸມສຸດຍອດສື່ມວນຊົນຄັ້ງທຳອິດອົງການການຮ່ວມມືຊຽງໄຮ". ຫ້ອງການຖະແຫຼງຂ່າວລັດຖະບານຈີນ ແລະພາກສ່ວນວຽກງານຖະແຫຼງຂ່າວຂອງບາງປະເທດສະມາຊິກໄດ້ເຊັນບົດບັນທຶກການຮ່ວມມືສື່ມວນຊົນ 3 ສະບັບ, ສື່ມວນຊົນພາຍໃນ ແລະຕ່າງປະເທດໄດ້ເຊັນສັນຍາການຮ່ວມມືແລກປ່ຽນ 15 ສະບັບ.
 |
