ຫວ່າງມໍ່ໆນີ້ ທ່ານຣາຈີໂມຟ ຜູ້ຕາງໜ້າພິເສດກ່ຽວກັບວຽກງານອົງການຮ່ວມມືຊຽງໄຮ້ຂອງປະທານາທິບໍດີຣັດເຊຍໃຫ້ສຳພາດຕໍ່ນັກຂ່າວຂ່າວສານຊິນຮວາຈີນ ໂດຍກ່າວວ່າ, ຣັດເຊຍ ຈີນແລະບັນດາປະເທດສະມາຊິກອົງການຮ່ວມມືຊຽງໄຮ້ສາມາດປະສານສົມທົບກັນ ຮ່ວມມືກັນໃນທຸກຂົງເຂດແມ່ນຍ້ອນວ່ານັບແຕ່ໄດ້ສ້າງອົງການຮ່ວມມືຊຽງໄຮ້ເປັນຕົ້ນມາ, ປະເທດສະມາຊິກຕ່າງໆລ້ວນແຕ່ແມ່ນສຸມໃສ່ການສ້າງເຂດການຮ່ວມມືຊຽງໄຮ້ໃຫ້ເປັນເຂດໜຶ່ງທີ່ນຳພາໂດຍ ນ້ຳໃຈຊຽງໄຮ້ທີ່ຕ່າງໄວ້ເນື້ອເຊື່ອງໃຈກັນ, ສ້າງຜົນປະໂຫຍດຮ່ວມກັນ, ສະເໝີພາບກັນ, ປຶກສາຫລືກັນ, ເຄົາລົບອາລະຍະທຳທີ່ມີຄວາມຫຼາກຫຼາຍ, ແລະສະແຫວງຫາການພັດທະນາຮ່ວມກັນ.
ທ່ານຮາຈີໂມຟກ່າວວ່າ,ພາຍຫລັງໄດ້ຮັບໜ້າທີ່ເປັນປະເທດປະທານໝູນວຽນຂອງອົງການຮ່ວມມືຊຽງໄຮ້ເມື່ອປີກາຍເປັນຕົ້ນມາ, ຈີນໄດ້ວາງແຜນການພັດທະນາອັນອຸດົມສົມບລຸນເພື່ອອົງການດັ່ງກ່າວ, ແລະໄດ້ອອກແຮງຊຸກຍູ້ການຮ່ວມມືລະຫວ່າງບັນດາປະເທດສະມາຊິກໃນອົງການ, ພ້ອມກັນນັ້ນຍັງໄດ້ໃຊ້ມາດຕະການຫຼາຍຢ່າງເພື່ອຊຸກຍູ້ໃຫ້ອົງການຮ່ວມມືຊຽງໄຮ້ພັດທະນາເຂົ້າສູ່ໄລຍະໃໝ່.
ທ່ານຍັງກ່າວວ່າ, ຣັດເຊຍແລະຈີນຍຶດຖືນ້ຳໃຈຊຽງໄຮ້, ທຳຄວາມພະຍາຍາມຮ່ວມກັນ, ເຮັດໃຫ້ອົງການຮ່ວມມືຊຽງໄຮ້ມີຄວາມໝັ້ນໃຈອັນເຕັມປ່ຽມ ແລະມີຫຼັກໝັ້ນອັນໜັກແໜ້ນໃນເວລາແກ້ໄຂບັນຫາພາກພື້ນແລະວຽກງານທົ່ວໂລກ, ອັນໄດ້ເຮັດໃຫ້ອົງການນີ້ໄດ້ຮັບອິທິພົນທີ່ສົມຄູ່ກັນໃນສາກົນ.
 |
