ຕາມຂ່າວສານຊີນຮວາ: ວັນທີ 2-3 ມິຖຸນານີ້,ຄະນະຜູ້ແທນຈີນທີ່ນຳໂດຍ ທ່ານຫຼິວເຮີ້ ກຳມະການກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົນຕີ ຜູ້ນຳຝ່າຍຈີນຂອງການສົນທະນາດ້ານເສດຖະກິດຮອບດ້ານລະຫວ່າງຈີນ-ອາເມລິກາແລະຄະນະຜູ້ແທນອາເມລິກາທີ່ນຳໂດຍທ່ານວິຣເບີ ໂລສ ລັດຖະມົນຕີກະຊວງການຄ້າອາເມລິກາໄດ້ປຶກສາຫາລືກັນກ່ຽວກັບບັນຫາເສດຖະກິດການຄ້າລະຫວ່າງສອງປະເທດຢູ່ຫໍຮັບແຂກເມືອງຕ້ຽວອີຖາຍທີ່ນະຄອນຫຼວງປັກກິ່ງ ໂດຍສອງຝ່າຍໄດ້ແລກປ່ຽນກັນເປັນຢ່າງດີໃນຂົງເຂດກະສິກຳ ພະລັງງານແລະຂົງເຂດອື່ນໆ ເພື່ອຜັນຂະຫຍາຍຄວາມຮັບຮູ້ທີ່ເປັນເອກະພາບກັນທີ່ສອງປະເທດບັນລຸໄວ້ຢູ່ທີ່ນະຄອນຫຼວງວໍຊິງຕັນ, ອັນໄດ້ຮັບຄວາມຄືບໜ້າລະອຽດທີ່ດີ, ກ່ຽວກັບຂໍ້ລະອຽດຕ່າງໆຍັງຕ້ອງການໃຫ້ທັງສອງຝ່າຍຮ່ວມກັນຕົກລົງກັນຕື່ມອີກ.
ທ່າທີຂອງຈີນແມ່ນສະເໝີຕົ້ນສະເໝີປາຍຕະຫຼອດມາ ຄື ເພື່ອຕອບສະໜອງຄວາມຕ້ອງການຂອງປະຊາຊົນທີ່ນັບມື້ນັບເພີ່ມຂຶ້ນເພື່ອໃຫ້ມີຊີວິດອັນດີງາມ, ຕອບສະໜອງຄວາມຕ້ອງການຂອງການພັດທະນາເສດຖະກິດທີ່ມີຄຸນນະພາບສູງ, ຈີນຍິນດີເພີ່ມການຄ້າຂາເຂົ້າຈາກປະເທດຕ່າງໆໃນໂລກ ເຊິ່ງລວມທັງອາເມລິກາ, ເຮັດແນວນີ້ມີຜົນດີຕໍ່ປະຊາຊົນສອງປະເທດ ກໍ່ຄືຕໍ່ທົ່ວໂລກ. ການປະຕິຮູບ ໄຂປະຕູສູ່ພາຍນອກ ແລະເພີ່ມຄວາມຕ້ອງການພາຍໃນປະເທດແມ່ນຍຸດທະສາດແຫ່ງຊາດຈີນ ທີ່ເປັນແຜນການພັດທະນາໂດຍກຳນົດອອກທີ່ບໍ່ມີການປ່ຽນແປງ.
ໝາກຜົນທີ່ສອງຝ່າຍຈີນ-ອາເມລິບັນລຸນັ້ນ ຄວນຢູ່ບົນພື້ນຖານທີ່ວ່າທັງສອງຝ່າຍກ້າວໜ້າໄປໜ້າຕາມທິດດຽວກັນ ແລະບໍ່ສູ້ກັນດ້ານການຄ້າ. ຖ້າວ່າອາເມລິກາວາງນະໂຍບາຍລົງໂທດການຄ້າເຊັ່ນການເພີ່ມການເກັບພາສີແລະອື່ນໆຂຶ້ນ,ໝາກຜົນດ້ານເສດຖະກິດການຄ້າທັງໝົດທີ່ບັນລຸໄວ້ໃນການເຈລະຈາລະຫວ່າງສອງຝ່າຍນັ້ນກໍ່ຈະບໍ່ສາມາດບັງເກີດຜົນໄດ້.
 |
