ວັນທີ 2-3 ມິຖຸນານີ້,ຢູ່ທີ່ນະຄອນຫຼວງປັກກິ່ງ, ທ່ານຫຼິວເຮີ້ ກຳມະການກົມການເມືອງສູນກາງພັກກອມມູນິດຈີນ, ຮອງນາຍົກລັດຖະມົນຕີຈີນ, ຜູ້ນຳຝ່າຍຈີນຂອງການສົນທະນາເສດຖະກິດຮອບດ້ານຈີນ-ອາເມລິກາໄດ້ນຳພາທິມງານຈີນປຶກສາຫາລືກັບທິມງານອາເມລິກາທີ່ນຳໂດຍທ່ານວິວເບີ ໂຣສ ລັດຖະມົນຕີກະຊວງການຄ້າອາເມລິກາກ່ຽວກັບບັນຫາເສດຖະກິດການຄ້າລະຫວ່າງສອງປະເທດ. ອີງຕາມຖະແຫຼງການທີ່ຈີນປະກາດ, ສອງຝ່າຍໄດ້ແລກປ່ຽນກັນເປັນຢ່າງດີໃນດ້ານກະສິກຳ, ພະລັງງານແລະຂົງເຂດອື່ນໆ ເພື່ອຜັນຂະຫຍາຍຄວາມຮັບຮູ້ທີ່ເປັນເອກະພາບກັນທີ່ສອງປະເທດບັນລຸຢູ່ນະຄອນຫຼວງວໍຊິງຕັນໃນຜ່ານມາ, ແລະໄດ້ຮັບຄວາມຄືບໜ້າລະອຽດທີ່ດີ, ເຊິ່ງຂໍ້ລະອຽດທີ່ກ່ຽວຂ້ອງຍັງຕ້ອງໃຫ້ສອງຝ່າຍຕົກລົງກັນຕື່ມອີກ. ທ່ານໂຣສ ລັດຖະມົນຕີກະຊວງການຄ້າອາເມລິກາກ່າວຕໍ່ພາຍນອກວ່າ, ການເຈລະຈາກັບຈີນນັບມາຮອດປະຈຸບັນ ແມ່ນເຕັມໄປດ້ວຍມິດຕະພາບແລະກົງໄປກົງມາ, ເຊິ່ງການເຈລະຈາໄດ້ກ່ຽວພັນກັບປະເພດສິນຄ້າຂາອອກຈຳນວນໜຶ່ງທີ່ເປັນຂໍ້ລະອຽດ.
ໃນຖະແຫຼງການທີ່ຈີນປະກາດມີ 3 ຄຳສັບທີ່ສຳຄັນຄື: "ຜັນຂະຫຍາຍຄວາມຮັບຮູ້ທີ່ເປັນເອກະພາບກັນ", "ແລກປ່ຽນກັນເປັນຢ່າງດີ" ແລະ "ຄວາມຄືບໜ້າລະອຽດທີ່ດີ" ເຊິ່ງຄຳວ່າ "ຜັນຂະຫຍາຍຄວາມຮັບຮູ້ທີ່ເປັນເອກະພາບກັນ"ແມ່ນຈຸດປະສົງຂອງການເຈລະຈາຄັ້ງນີ້, "ແລກປ່ຽນກັນເປັນຢ່າງດີ"ແມ່ນວິທີຂອງການເຈລະຈາ, ສ່ວນຄຳວ່າ "ຄວາມຄືບໜ້າລະອຽດທີ່ດີ"ກໍ່ແມ່ນໝາກຜົນຂອງການເຈລະຈາ, ສາມດ້ານນີ້ພົວພັນກັນຢ່າງແໜ້ນແຟ້ນ, ຂາດດ້ານໜຶ່ງກໍບໍ່ໄດ້. ສັງເກດຈາກຂ່າວທີ່ປະກາດຕໍ່ພາຍນອກແລ້ວເຫັນວ່າ, ຈຸດໜັກຂອງການເຈລະຈາຄັ້ງນີ້ແມ່ນຢູ່ສອງດ້ານຄື ກະສິກຳ ແລະພະລັງງານ, ໄດ້ຮັບຄວາມຄືບໜ້າທີ່ດີໃນສອງດ້ານນີ້ສອດຄ່ອງກັບຜົນປະໂຫຍດຂອງທັງສອງຝ່າຍ.
ການນຸ່ງຖື ອາຫານການກິນ ການເດີນທາງແລະພັກເຊົ່າ ແມ່ນບັນຫາທີ່ແທດເໝາະກັບປະຊາຊົນທີ່ສຸດ. ປັດຈຸບັນ ຈີນໄດ້ປະກອບເປັນກຸ່ມຄົນທີ່ມີລາຍໄດ້ຜ້ານກາງທີ່ມີຂະໜາດໃຫຍ່ທີ່ສຸດໃນທົ່ວໂລກ, ຄວາມຂັດແຍ້ງກັນໃນສັງຄົມຕົ້ນຕໍ່ແມ່ນເກີດຂຶ້ນຢູ່ລະຫວ່າງຄວາມຕ້ອງການຊີວິດການເປັນຢູ່ທີ່ດີງາມທີ່ນັບມື້ນັບເພີ່ມຂຶ້ນຂອງປະຊາຊົນ ກັບການພັດທະນາທີ່ບໍ່ກ້ຳເກິ່ງກັນແລະບໍ່ເຕັມສ່ວນ. ຈີນເພີ່ມກ່ານນຳເຂົ້າຜະລິດຕະພັນກະສິກຳທີ່ຄຸນນະພາບດີແລະພະລັງງານສະອາດເຊັ່ນອາຍແກສທຳມະຊາດຈາກອາເມລິກາ, ແມ່ນເພື່ອຕອບສະໜອງຄວາມຕ້ອງການຂອງປະຊາຊົນທີ່ສະແຫວງຫາຊີວິດການເປັນຢູ່ທີ່ດີ, ຊຸກຍູ້ໃຫ້ເສດຖະກິດພັດທະນາດ້ວຍຄຸນນະພາບສູງ.
ໃນດ້ານຜະລິດຕະພັນກະສິກຳ, ໃນຫຼາຍປີມານີ້, ໝາກກ້ຽງ, ໝາກຖົ່ວເຫຼືອງ, ໝາກໄມ້ແຫ້ງ, ເຫຼົ້າແວງ, ຊິ້ນງົວ ແລະຜະລິດຕະພັນອື່ນໆ ໄດ້ຕອບສະໜອງ ຜູ້ບໍລິໂພກຈີນທີ່ມີຄວາມຕ້ອງການຕໍ່ຜະລິດຕະພັນກະສິກຳທີ່ມີຄຸນນະພາບດີ. ຈີນເພີ່ມການນຳເຂົ້າຈາກອາເມລິກາ, ບໍ່ພຽງແຕ່ສາມາດເຮັດໃຫ້ຜູ້ບໍລິໂພກຈະໄດ້ຊືຜະລິດຕະພັນກະສິກຳທີ່ຄຸນນະພາບດີແລະລາຄາຖືກທໍ່ນັ້ນ, ຍັງຈະກະຕຸກໃຫ້ຜະລິດຕະພັນກະສິກຳຈີນດຳເນີນການປະຕິຮູບໃໝ່ໃນທ່າມກາງການເປີດປະຕູສູ່ພາຍນອກ. ພ້ອມກັນນັ້ນ, ຊາວກະສິກອນອາເມລິກາກໍຈະມີລາຍຮັບເພີ່ມຂຶ້ນຈາກການໄດ້ຮັບຕະຫຼາດສົ່ງອອກທີ່ໝັ້ນທ່ຽງ.
ໃນດ້ານພະລັງງານ, ເສດຖະກິດຈີນພັດທະນາຢ່າງວ່ອງໄວ ແລະຄວາມຕ້ອງການບໍລິໂພກພະລັງງານຂອງປະຊາຊົນເກືອບ 1 ຕື້ 400 ລ້ານຄົນ ເຮັດໃຫ້ຄວາມຂັດແຍ້ງກັນດ້ານການສະໜອງແລະຄວາມຕ້ອງການນັບມື້ນັບພົ້ນເດັ່ນອອກ. ທ້າຍປີກາຍນີ້ ການຂາດເຂີນອາຍແກສທຳມະຊາດທີ່ເກີດຂຶ້ນຢູ່ຫຼາຍແຂວງຂອງຈີນເຮັດໃຫ້ປະຊາຊົນຈີນປະສົບກັບຄວາມຫຍຸ້ງຍາກ, ຄວາມສາມາດການຜະລິດພະລັງງານຂອງຕົນເອງຍາກທີ່ຈະຕອບສະໜອງຄວາມຕ້ອງການຂອງປະຊາຊົນຈີນອີກແລ້ວ. ພ້ອມກັນນັ້ນ, ປະຊາຊົນຈີນກໍ່ມີຄວາມຄອງຄອຍໃນການປັບປຸງຄຸນນະພາບອາກາດໃນດີຂຶ້ນ, ລັດຖະບານກໍ່ໄດ້ຕັດສິນໃຈແລະວາງມາດຕະການຕ່າງໆເພື່ອຮັກສາສິ່ງແວດລ້ອມໃຫ້ດີ, ເຊິ່ງທັງໝົດເຫຼົ່ານີ້ລ້ວນແຕ່ຕ້ອງການເພີ່ມການນຳເຂົ້າພະລັງງານທີ່ສະອາດ, ແລະປະກອບເປັນຊ່ອງທາງນຳເຂົ້າພະລັງງານແລະໂຄງປະກອບພະລັງງານທີ່ຫັນເປັນຫຼາຍເຄົ້າ. ອີກດ້ານໜຶ່ງ ນີ້ກໍ່ຈະຊ່ວຍອາເມລິກາຫຼຸດຈຳນວນຂຸມການເງິນໃຫ້ໜ້ອຍລົງ ເຊິ່ງເປັນການໃຫ້ທັງສອງຝ່າຍໄດ້ຮັບຜົນປະໂຫຍດຮ່ວມກັນ.
ແຕ່ໃນຂະນະດຽວກັນນີ້ ເໝືອນດັ່ງການລະບຸໄວ້ໃນຖະແຫຼງການຂອງຝ່າຍຈີນ, ໝາກຜົນທີ່ຈີນ-ອາເມລິກາບັນລຸນັ້ນ, ຄວນແຕ່ແມ່ນຢູ່ບົນພື້ນຖານທີ່ສອງຝ່າຍກ້າວໜ້າໄປຕາມທິດດຽວກັນ, ແລະບໍ່ກໍ່ສົງຄາມການຄ້າ, ຖ້າວ່າອາເມລິກາວາງນະໂຍບາຍລົງໂທດການຄ້າເຊັ່ນ ການເພີ່ມການເກັບພາສີເປັນຕົ້ນ, ໝາກຜົນດ້າເນສດຖະກິດການຄ້າທີ່ສອງຝ່າຍບັນລຸໂດຍຜ່ານການເຈລະຈານັ້ນກໍ່ຈະບັງເກີດຜົນບໍ່ໄດ້ ເຊິ່ງນີ້ຄືທ່າທີແລະພື້ນຖານຂອງຝ່າຍຈີນ, ແລະກໍ່ແມ່ນຂໍກະແຈທີ່ຮັບປະກັນໃຫ້ຄວາມຮັບຮູ້ທີ່ເປັນເອກະພາບກັນລະຫວ່າງຈີນ-ອາເມລິກາທີ່ບັນລຸໄວ້ຢູ່ວໍຊິງຕັນໄດ້ຮັບການຜັນຂະຫຍາຍ.
ການສະແດງທ່າທີຄືແນວນີ້ແມ່ນມີເຫດມີຜົນຢ່າງເດັ່ນຊັດ ນັ້ນກໍ່ຄື: ໃນບໍ່ເທົ່າໃດມື້ກ່ອນທ່ານໂຣສໄປຢ້ຽມຢາມຢູ່ຈີນໃນຄັ້ງນີ້, ອາເມລິກາປ່ຽນໜ້າຢ່າງກະທັນຫັນ ໂດຍປະກາດວ່າຈະຈັດລາຍຊື່ຜະລິດຕະພັນເຕັກນິກອຸດສາຫະກຳສຳຄັນທີ່ຈີນສົ່ງອອກຂາຍອາເມລິກາທີ່ມີມູນຄ່າ 50 ຕື້ໂດລາສະຫະລັດທັງເພີ່ມເກັບພາສີ 25% ກ່ອນວັນທີ 15 ມິຖຸນາ. ຍັງມີສື່ມວນຊົນລາຍງານວ່າ, ຖ້າວ່າໜ່ວຍງານອາເມລິກາທີ່ເດີນທາງໄປຈີນກ່ອນນັ້ນບໍ່ສາມາດປຶກສາກັບຝ່າຍຈີນເປັນຢ່າງດີ, ທ່ານໂຣສກໍ່ຈະບໍ່ໄປຈີນອີກແລ້ວ. ແຕ່ຜົນສຸດທ້າຍແມ່ນທ່ານໂຣສໄປຮອດຈີນກ່ອນແຜນ, ທັງມີ "ຄວາມຍິນດີທີ່ສຸດ"ໃນການເຈລະຈາກັບຈີນ, ທັງໝົດເຫຼົ່ານີ້ໄດ້ສ້າງຄວາມຕື່ນຕົກໃຈໃຫ້ແກ່ພາຍນອກ, ແລະສະແດງໃຫ້ເຫັນວ່າ, ປຶກສາກັນໄປ ສູ້ກັນໄປ ໄດ້ກາເຍປັນສະພາບປົກກະຕິອັນໃໝ່ໃນການປຶກສາຫາລືດ້ານເສດຖະກິດການຄ້າລະຫວ່າງຈີນ-ອາເມລິກາ.
ທ່ານໂຣສ ລັດຖະມົນຕີກະຊວງການຄ້າອາເມລິກາກ່າວວ່າ ການເຈລະຈາກັບຈີນຄັ້ງນີ້ແມ່ນເຕັມໄປດ້ວຍມິດຕະພາບແລະກົງໄປກົງມາ. ແຕ່ຍ້ອນວ່າຍັງມີຂໍ້ປີກຍ່ອຍຕ້ອງການທັງສອງຝ່າຍຕົກລົງກັນຕື່ມອີກ, ທິມງານອາເມລິກາຍັງຊິແຈ້ງຜົນຂອງການເຈລະຈາຄັ້ງນີ້ໃຫ້ທ່ານປະທານາທິບໍດີໂດນັດ ທລຳ, ຕໍ່ໄປຈະເກີດເຫດຫຍັງຂຶ້ນ ຍັງບໍ່ຈະແຈ້ງເທື່ອ. ຕໍ່ເລື່ອງນີ້, ຈີນມີທ່າທີໃຈເຢັນ, ມີຄວາມອົດທັນດ້ານຍຸດທະສາດ ແລະທຳການກະກຽມເປັນຢ່າງດີແລ້ວເພື່ອຮັບມືກັບທຸກກໍລະນີທີ່ອາດຈະເກີດຂຶ້ນ.
ດັ່ງທີ່ເພິ່ນກ່າວໄວ້ວ່າ: ຂໍພຽງແຕ່ຍຶດຖືຫຼັກໝັ້ນຂອງຕົນເອງໂດຍບໍ່ປ່ຽນແປງ, ແລ້ວທີ່ສະຖານະການຈະປ່ຽນໄປທາງໃດ. ການປະຕິຮູບແລະໄຂປະຕູສູ່ພາຍນອກຂອງຈີນມີເປົ້າໝາຍທີຈະແຈ້ງແລະຄັກແນ່, ໄດ້ດຳເນີນໄປດ້ວຍຈັງຫວະທີ່ໜັກແໜ້ນ ແລະສົມເຫດສົມຜົນ. ບໍ່ວ່າແມ່ນການເພີ່ມການນຳເຂົ້າ ຍັງຜ່ອນຄາຍມດາຕະຖານເຂົ້າຕະຫຼາດ, ລ້ວນແຕ່ເປັນການຕົກລົງຈາກສະພາບຕົວຈິງທີ່ເພື່ອຕອບສະໜອງຄວາມຕ້ອງການຕໍ່ຊີວິດການເປັນຢູ່ອັນດີງາມຂອງປະຊາຊົນ ແລະບັນລຸການພັດທະນາເສດຖະກິດດ້ວຍຄຸນນະພາບສູງ, ຖືເປັນການຕັດສິນດ້ານຍຸດທະສາດທີ່ກຳນົດໄວ້ ໂດຍຈະບໍ່ຜັນປ່ຽນກັນຍ້ອນແຮງກົດດັນຈາກພາຍນອກ.
ອີງຕາມຄວາມຮັບຮູ້ທີ່ເປັນເອກະພາບກັນທີ່ບັນລຸຢູ່ວໍຊິງຕັນ, ຕໍໄປ ຈີນ-ອາເມລິກາຍັງຈະປຶກສາຫາລືກັນກ່ຽວກັບບັນຫາທີ່ວ່າຈະຜັນຂະຫຍາຍການຮ່ວມມືໃນຂົງເຂດການຜະລິດ, ຜະລິດຕະພັນເຕັກນິກສູງ, ຜະລິດຕະພັນຂະແໜງການບໍລິການອື່ນຂົງເຂດອື່ນໆ. ຄວາມພະຍາຍາມທີ່ຈີນທຳອອກນັ້ນລ້ວນແຕ່ແມ່ນເພື່ອປົກປັກຮັກສາຜົນປະໂຫຍດຂອງປະຊາຊົນສອງປະເທດຈາກລະດັບໃຫຍ່ທີ່ສຸດ. ສຳລັບລັດຖະບານອາເມລິກາແລ້ວ ຈະແມ່ນຄິດເພື່ອປະຊາຊົນແທ້ຫຼືບໍ ການທີ່ກ້າວໄປໜ້າກັບຈີນຕາມທິດດຽວກັນ ກໍ່ເປັນການທົດລອງທີ່ດີທີ່ສຸດ.
 |
