ຈຸດສຸມຂອງການເຈລະຈາດ້ານເສດຖະກິດການຄ້າຈີນ-ອາເມລິກາ: ຈັງຫວະຂອງຈີນ ແລະຜົນປະໂຫຍດຮ່ວມກັນ

ວັນທີ 2-3 ພຶດສະພານີ້ ຢູ່ທີ່ນະຄອນຫຼວງປັກກິ່ງ, ຈີນແລະອາເມລິກາໄດ້ຮັບໝາກຜົນຈຳນວໜຶ່ງໃນການເຈລະຈາກ່ຽວກັບບັນຫາເສດຖະກິດການຄ້າລະຫວ່າງສອງປະເທດ. ໜັງສືພິມເສດຖະກິດລາຍວັນແລະ ໜັງສືພິມໂກຼໂປແທມສ໊ຂອງຈີນຕ່າງໄດ້ພິມບົດວິຈານ ຊີ້ອອກວ່າ, ການປະຕິຮູບ ໄຂປະຕູສູ່ພາຍນອກ ແລະການເປີດກວ້າງຄວາມຕ້ອງການພາຍໃນແມ່ນຍຸດທະສາດແຫງຊາດຈີນ, ເຊິ່ງຈັງຫວະຂອງຈີນນີ້ຈະບໍ່ມີການປ່ຽນແປງ, ສອງຝ່າຍຄວນພະຍາຍາມສ້າງຜົນປະໂຫຍດຮ່ວມກັນໃຫ້ຫຼາຍຂຶ້ນ, ແຕ່ອາເມລິກາບໍ່ຄວນມີແນວຄິດທີ່ບໍ່ແທດເໝາະກັບສະພາບຕົວຈິງ.

ບົດວິຈານຂອງໜັງສືພິມເສດຖະກິດລາຍວັນກ່າວວ່າ, ຈັງຫວະການປະຕິຮູບແລະໄຂປະຕູສູ່ພາຍນອກຂອງຈີນຈະບໍ່ປ່ຽນແປງ ຍ້ອນສາເຫດ 3 ຂໍ້ດັ່ງນີ້ຄື ຂໍ້ທີ 1 ຈັງຫວະຂອງຈີນທີ່ລົງເລິກການປະຕິຮູບແລະໄຂປະຕູສູ່ພາຍນອກທາດແທ້ແມ່ນການເລືອກເອົາທີ່ຕ້ອງເປັນໄປທີ່ເໝາະສົມກັບສະພາບຕົວຈິງຂອງຕົນໃນດ້ານການພັດທະນາ. ປັດຈຸບັນ, ສິນຄ້ານຳເຂົາໄດ້ກາຍເປັນການເພີ່ມເຕີມທີ່ສຳຄັນໃຫ້ແກ່ຕະຫຼາດຂອງຈີນ, ຜູ້ບໍລິໂພກມີຄວາມຕ້ອງການຢ່າງຫຼວງຫຼາຍຕໍ່ສິນຄ້ານຳເຂົ້າ. ຂໍ້ທີ 2, ຈັງຫວະຂອງຈີນທີ່ລົງເລິກການປະຕິຮູບແລະໄຂປະຕູສູ່ພາຍນອກແມ່ນເປັນການສະແດງໃຫ້ເຫັນເຖິງທັດສະນະພັດທະນາທີ່ຕ່າງຝ່າຍຕ່າງໄດ້ຮັບຜົນປະໂຫຍດທີ່ຈີນຍຶດຖືຕະຫຼອດມາ, ມາດຕະການເປີດກວ້າງການນຳເຂົາຂອງຈີນສະແດງໃຫ້ເຫັນຄວາມຈິງໃຈຂອງລັດຖະບານຈີນທີ່ເປັນເຈົ້າການເປີດຕະຫຼາດຈີນໄປສູ່ທົ່ວໂລກ, ສະແດງໃຫ້ເຫັນເຖິງຄວາມຮັບຜິດຊອບຂອງຈີນທີ່ເປັນປະເທດໃຫຍ່ທີ່ຕັ້ງໜ້າຊຸກຍູ້ຂະບວນການໂລກາພິວັດດ້ານເສດຖະກິດ.

ບົດວິຈານຂອງໜັສືພິມໂກຼໂປແທມສ໊ຂອງຈີນຊີ້ອອກວ່າ, ນັບແຕ່ຈີນ-ອາເມລິກາດຳເນີນການເຈລະຈາດ້ານເສດຖະກິດການຄ້າມາ, ສອງຝ່າຍມີການເຈລະຈາທັງມີການຕ້ານຢັນກັນ, ໄດ້ຮັບຄວາມຄືບໜ້າຈຳນວນໜຶ່ງ, ອັນໄດ້ສ້າງຊ່ອງຫວ່າງທີ່ມະຫາສານໃຫ້ແກ່ສອງປະເທດໃນການເພີ່ມທະວີການຮ່ວມມືແບບຕ່າງຝ່າຍຕ່າງໄດ້ຮັບຜົນປະໄຫຍດ,ເຮັດໃຫ້ວົງການເສດຖກິດຂອງທັງສອງຝ່າຍລ້ວນແຕ່ເຫັນໄດ້ວ່າກຳລັງຈໍ່ຕົວເປັນຜົນປະໂຫຍດທີ່ໃຫຍ່ໂຕ. ຖ້າວ່າໄດ້ຜັນຂະຫຍາຍຄວາມຮັບຮູ້ທີ່ເປັນເອກະພາບກັນຂອງວໍຊິງຕັນໄດ້ດີ, ກໍ່ຈະມີຜົນດີຕໍ່ສອງປະເທດ ແລະປະຊາຊົນສອງປະເທດ, ບັນລຸການໄດ້ຮັບຜົນປະໂຫຍດຮ່ວມກັນຢ່າງແທ້ຈິງ.

ບົດວິຈານຊີ້ອອກວ່າ, ຄວາມສັບສົນຂອງການເຈລະຈາຄັ້ງນີ້ກໍ່ສະແດງໃຫ້ເຫັນວ່າ, ຍັງອາດຈະເກີດກໍລະນີທີ່ອາເມລິກາປ່ຽນໃຈແລ້ວພາໃຫ້ການພົວພັນການຄ້າລະຫວ່າງສອງປະເທດບໍ່ສາມາດຂະຫຍາຍຕົວໄປຢ່າງໝັ້ນທ່ຽງ, ອາເມລິກາຍັງມີຄວາມຫວັ່ນໄຫວ ແລະບໍ່ແນ່ນອນຕໍ່ນະຍໂບາຍຂອງຕົນເອງ, ບາງຄົນຢູ່ອາເມລິກາຍັງຢາກຊອກຫາຜົນປະໂຫຍດໃຫ້ແກ່ຕົນເອງໂດຍຢຸ່ນອກຜົນປະໂຫຍດຮ່ວມກັນ, ທັງຕ້ອງການຜົນປະໂຫຍດຮ່ວມ, ທັງຢາກໄດ້ຜົນປະໂຫຍດແຕ່ຝ່າຍດຽວອີກ. ນີ້ແມ່ນເປັນໄປບໍ່ໄດ້. ທະແນມວ່າອາເມລິກາຟື້ນຟູການເຄື່ອນໄຫວກໍ່ສົງຄາມການຄ້າໃດໆເຊັ່ນວ່າ ເພີ່ມພາສີຕໍ່ຜະລິດຕະພັນຂອງຈີນ, ສັນຍາທີ່ສອງຝ່າຍກ້າວເຖິງຄວາມເປັນເອກະພາບກັນນັ້ນກໍ່ຈະໂມຄະໄປ. ຜົນປະໂຫຍດຮ່ວມກັນແຫ່ງການຮ່ວມມືລະຫວ່າງຈີນ-ອາເມລິກາກໍ່ຈະກາຍເປັນຟອມສະບູໄປລ້າໆ.