ທ່ານວະລາດີເມຍ ປູຕິນ ປະທານາທິບໍດີຣັດເຊຍ ລົງນາມໃນກົດໝາຍໃນວັນທີ 4 ມິຖຸນານີ້ ເພື່ອຕ້ານກັບມາດຕະການຂວ້ຳບາດຕໍ່ຣັດເຊຍຂອງອາເມລິກາ ແລະປະເທດອື່ນໆ.
ໃນເອກະສານໄດ້ລະບຸວ່າ: ການສ້າງກົດໝາຍນີ້ກໍເພື່ອປົກປັກຮັກສາຜົນປະໂຫຍດ, ຄວາມໝັ້ນຄົງ, ອະທິປະໄຕ, ຜືນແຜ່ນດິນອັນຄົບຖ້ວນຂອງຣັດເຊຍ ພ້ອມດ້ວຍເສລີພາບ ແລະ ສິດທິຂອງປະຊາຊົນປະເທດຕົນບໍ່ຖືກທຳຮ້າຍຈາກການກະທຳທີ່ບໍ່ເປັນມິດຈາກອາເມລິກາ ແລະປະເທດອື່ນໆ.
ມາດຕະການຕ້ານການຂວ້ຳບາດຕ່າງໆ ລວມທັງຢຸດຕິ ຫຼືຢຸດຕິຊົ່ວຄາວການຮ່ວມມືກັບປະເທດ ຫຼື ອົງການຈັດຕັ້ງທີ່ບໍ່ເປັນມິດກັບຣັດເຊຍ, ຫ້າມ ຫຼື ຈຳກັດການນຳເຂົ້າ-ສົ່ງອອກຜະລິດຕະພັນ ແລະວັດຖຸດິບ, ຫ້າມ ຫຼື ຈຳກັດອົງການຈັດຕັ້ງທີ່ຢູ່ໃຕ້ການຄອບຄອງ ຫຼື ຄວບຄຸມຈາກປະເທດທີ່ບໍ່ເປັນມິດກັບຣັດເຊຍນັ້ນເຂົ້າຮ່ວມໂຄງການຈັດຊື້ ແລະໂຄງການຫັນຊັບສິນຂອງລັດໃຫ້ເປັນຂອງເອກະຊົນ ແລະໂຄງການອື່ນໆຂອງລັດຖະບານຣັດເຊຍ.
ອີງຕາມກົດໝາຍດັ່ງກ່າວ, ລັດຖະບານຣັດເຊຍສາມາດນຳໃຊ້ມາດຕະການຕໍ່ຕ້ານທີ່ຄວບຄູ່ກັນ. ກົດໝາຍໃໝ່ດັ່ງກ່າວຈະມີຜົນບັງຄັບໃຊ້ນັບແຕ່ມື້ລົງລາຍເຊັນເປັນຕົ້ນໄປ.
