ທ່ານນາງຊຸ່ນສຸ່ນລານ ຮອງນາຍົກລັດຖະມົນຕີຈີນ ໄດ້ພົບປະກັບທ່ານໂທມັສ ບັສ ປະທານຄະນະກຳມະການໂອລິມປິກສາກົນພ້ອມດ້ວຍຄະນະ ຢູ່ນະຄອນຫຼວງປັກກິ່ງໃນວັນທີ 4 ມິຖຸນານີ້.
ທ່ານນາງຊຸ່ນສຸ່ນລານ ຊີ້ວ່າ: ຈີນໃຫ້ຄວາມສຳຄັນສູງ ທັງຕັ້ງໜ້າຊຸກຍູ້ວຽກງານກະກຽມງານກິລາໂອລິມປິກລະດູໜາວປັກກິ່ງ ໂດຍຈະຈັດຕັ້ງປະຕິບັດຕາມທັດສະນະຈັດງານໂອລິມປິກທີ່ສີຂຽວ, ຊົມໃຊ້ຮ່ວມກັນ, ເປີດກວ້າງ ແລະ ປອດໃສຂາວສະອາດ ຢ່າງຮອບດ້ານ ເລັ່ງສ້າງສະໜາມກິລາ ແລະ ພື້ນຖານໂຄງລ່າງໃຫ້ສຳເລັດໂດຍໄວ ເພີ່ມທະວີໃນການຈັດຕັ້ງການແຂ່ງຂັນ ແລະ ຮັບປະກັນດ້ານການບໍລິການ ພະຍາຍາມຈັດມະຫະກຳກິລາໂອລິມປິກໃຫ້ເປັນການແຂ່ງຂັນທີ່ໜ້າຊົມ, ບໍ່ທຳມະດາ ແລະ ລ້ຳເລີດ. ຂະນະດຽວກັນ, ຈະຖືໂອກາດເລັ່ງພັດທະນາກິລາເທິງຫິມມະແລະນ້ຳກ້າມ ຊຸກຍູ້ກິລາມວນຊົນ ແລະ ກິລາປະເພດການແຂ່ງຂັນໃຫ້ມີການພັດທະນາຢ່າງດຸນດ່ຽງກັນ ເພື່ອເສີມສ້າງສຸຂະພາບຂອງປະຊາຊົນ.
ທ່ານບັສ ໄດ້ຕີລາຄາສູງຕໍ່ວຽກງານກະກຽມງານກິລາໂອລິມປິກລະດູໜາວປັກກິ່ງ ແລະຂອບໃຈຈີນທີ່ໄດ້ປະກອບສ່ວນຕໍ່ກິລາໂອລິມປິກ.
