ກະຊວງການຄ້າຈີນເປີດເຜີຍວ່າ 4 ເດືອນທຳອິດຂອງປີນີ້, ມູນຄ່າການສົ່ງອອກ-ນຳເຂົ້າຂອງຂະແໜງການບໍລິການຈີນບັນລຸກວ່າ 1.600 ຕື້ຢວນ ເພີ່ມຂຶ້ນ 11,9% ເມື່ອທຽບໃສ່ໄລຍະດຽວກັນຂອງປີຜ່ານມາ ເຊິ່ງເປັນການເຕີບໂຕຢ່າງວ່ອງໄວ ແລະຕໍ່ເນື່ອງ. ທ່ານຫຼີຢວນ ຮອງຫົວໜ້າກົມການຄ້າການບໍລິການ ກະຊວງການຄ້າຈີນ ກ່າວໃນວັນທີ 5 ມິຖຸນານີ້ວ່າ: ເສດຖະກິດໂລກມີການພັດທະນາດີຂຶ້ນໂດຍລວມ ແລະ ນະໂຍບາຍຕ່າງໆຂອງຈີນ ໄດ້ສ້າງເງື່ອນໄຂທີ່ດີໃຫ້ແກ່ການສົ່ງອອກ-ນຳເຂົ້າການບໍລິການແລະມີການເຕີບໂຕຢ່າງວ່ອງໄວ.
ນອກນີ້, ສິ່ງທີ່ໜ້າສົນໃຈນັ້ນກໍຄື ໃນ 4 ເດືອນທຳອິດຂອງປີນີ້, ການຄ້າການບໍລິການສືບຕໍ່ຮັກສາທ່າຂະຫຍາຍຕົວຂອງປີຜ່ານມາ ຄື ການສົ່ງອອກເພີ່ມຂຶ້ນໄວກວ່າການນຳເຂົ້າ ແລະການຂາດດຸນກໍຫຼຸດລົງເລັກໜ້ອຍ. ທ່ານຫຼີຢວນ ຍັງກ່າວວ່າ: ການຂາດດຸນການຄ້າການບໍລິການຂອງຈີນໃນປີນີ້ອາດຈະສືບຕໍ່ຫຼຸດລົງ.
