ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 4 ມິຖຸນານີ້, ທ່ານນາງຮ້ວາຊຸ່ນຢີງ ໂຄສົກກະຊວງການຕ່າງປະເທດຈີນໄດ້ສະແດງຄວາມເຫັນກ່ຽວກັບປາກີສະຖານຈະຈັດການເລືອກຕັ້ງທົ່ວໄປໃນໄວໆນີ້ວ່າ, ບໍ່ວ່າຜົນການເລືອກຕັ້ງຈະເປັນແນວໃດ, ທ່າອ່ຽງຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ປາກີສະຖານທີ່ດີງາມຈະບໍ່ມີການປ່ຽນແປງ.
ມີນັກຂ່າວຖາມວ່າ, ວັນສຸກອາທິດແລ້ວນີ້, ລັດຖະບານຊົ່ວຄາວຊຸດໃໝ່ປາກີສະຖານດຳລົງຕຳແໜ່ງ, ແລະປະກາດຈະຈັດການເລືອກຕັ້ງທົ່ວໄປໃນວັນທີ 25 ກໍລະກົດໜ້ານີ້, ຈີນມີຄວາມເຫັນຫຍັງຕໍ່ເລື່ອງນີ້?
ທ່ານນາງຮ້ວາຊຸ່ນຢີງ ກ່າວວ່າ, ຈີນໄດ້ເອົາໃຈໃສ່ນຳບັນຫາດັ່ງກ່າວ, ແລະຫວັງໃຫ້ປາກີສະຖານເຮັດສຳເລັດຂະບວນການການເມືອງສຳຄັນດັ່ງກ່າວຢ່າງສະດວກແລະໝັ້ນທ່ຽງ. ເຊື່ອວ່າບໍ່ວ່າມີຜົນການເລືອກອອກມາແບບໃດກໍຕາມ, ທ່າອ່ຽງດີງາມຕໍ່ການຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ປາກີສະຖານຈະບໍ່ມີການປ່ຽນແປງ.
 |
