ອົງການຈັດຕັ້ງສາກົນ "ເຄືອຂ່າຍນະໂຍບາຍພະລັງງານໝູນວຽນສະຕະວັດທີ 21" ໄດ້ເປີດເຜີຍບົດລາຍງານສະບັບໜຶ່ງໃນວັນທີ 4 ມິຖຸນານີ້ສະແດງໃຫ້ເຫັນວ່າ, ໃນຈຳນວນໄຟຟ້າທີ່ເພີ່ມຂຶ້ນຂອງໂລກໃນປີ 2017 ມີ 70% ຜະລິດດ້ວຍພະລັງງານໝູນວຽນ, ກາຍເປັນປີທີ່ມີການຜະລິດໄຟຟ້າດ້ວຍພະລັງງານໝູນວຽນເພີ່ມຂຶ້ນໄວທີ່ສຸດ.
"ບົດລາຍງານສະພາບການພະລັງງານໝູນວຽນຂອງໂລກປີ 2018" ທີ່ເປີດເຜີຍຢູ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກໃນວັນທີ 4 ມິຖຸນານີ້ສະແດງໃຫ້ເຫັນວ່າ, ຍອດຈຳນວນໄຟຟ້າທີ່ຜະລິດດ້ວຍພະລັງງານແສງຕາເວັນໃນປີ 2017 ໄດ້ເພີ່ມຂຶ້ນ 29% ທຽບໃສ່ປີ 2016, ບັນລຸເຖິງ 98.000.000 ກິໂລວັດໂມງ, ພ້ອມກັນນັ້ນ, ຍອດຈຳນວນໄຟຟ້າທີ່ຜະລິດດ້ວຍພະລັງລົມໃນທົ່ວໂລກໄດ້ເພີ່ມຂຶ້ນ 52.000.000 ກິໂລວັດໂມງ, ໄດ້ປະກອບສ່ວນຢ່າງໃຫຍ່ຫຼວງຕໍ່ຍອດຈຳນວນໄຟຟ້າທີ່ຜະລິດດ້ວຍພະລັງງານໝູນວຽນ.
ບົດລາຍງານລະບຸວ່າ, ມູນຄ່າການລົງທຶນໃນການຜະລິດໄຟຟ້າດ້ວຍພະລັງງານໝູນວຽນຂອງໂລກຫຼາຍກວ່າສອງເທົ່າຂອງການລົງທຶນຕໍ່ການຜະລິດໄຟຟ້າດ້ວຍວັດຖຸເຊື້ອໄຟເຄມີແລະນິວເຄຼຍ.
 |
