ນະໂຍບາຍ "ການທ່ອງທ່ຽວຢູ່ຕິເບດໃນລະດູໜາວ" ໄດ້ດຶງດູດນັກທ່ອງທ່ຽວຫຼາຍກວ່າເກົ່າເຂົ້າມາທ່ຽວຢູ່ເຂດປົກຄອງຕົນເອງຕິເບດ. ຂໍ້ມູນສະຖິຕິຈາກຄະນະກຳມະການພັດທະນາການທ່ອງທ່ຽວຂອງເຂດປົກຄອງຕົນເອງຕິເບດສະແດງໃຫ້ເຫັນວ່າ: ໃນ 5 ເດືອນຜ່ານມາ, ຕິເບດໄດ້ຕ້ອນຮັບນັກທ່ອງທ່ຽວເຖິງ 5,59 ລ້ານເທື່ອຄົນ ເພີ່ມຂຶ້ນ 38% ແລະສ້າງລາຍຮັບການທ່ອງທ່ຽວຫຼາຍກວ່າ 7 ຕື້ຢວນ ເພີ່ມຂຶ້ນ 41,4% ທຽບໃສ່ໄລຍະດຽວກັນ.
ເນື່ອງຈາກເງື່ອນໄຂດິນຟ້າອາກາດ ແລະສິ່ງແວດລ້ອມພູມສັນຖານ, ເຮັດໃຫ້ໃນໄລຍະຜ່ານມາໄດ້ມີນັກທ່ອງທ່ຽວຈຳນວນຫຼາຍເຂົ້າມາຕິເບດໃນລະດູຮ້ອນ, ແຕ່ມີນັກທ່ອງທ່ຽວໜ້ອຍໃນລະດູໜາວ. ແຕ່ໃນປີ 2018 ນີ້, ນັກທ່ອງທ່ຽວທີ່ເຂົ້າມາທ່ຽວຊົມຕິເບດໃນລະດູໜາວເພີ່ມຂຶ້ນຢ່າງຈະແຈ້ງ, ຮອດເດືອນພຶດສະພາ, ຈຳນວນນັກທ່ອງທ່ຽວກໍເພີ່ມຂຶ້ນຢ່າງໄວວາ. ຂໍ້ມູນສະຖິຕິຈາກຄະນະກຳມະການພັດທະນາການທ່ອງທ່ຽວຂອງເຂດປົກຄອງຕົນເອງຕິເບດສະແດງໃຫ້ເຫັນວ່າ, ພຽງແຕ່ໃນເດືອນພຶດສະພາຜ່ານມານີ້, ຕິເບດກໍໄດ້ຕ້ອນຮັບນັກທ່ອງທ່ຽວເຖິງ 2,92 ລ້ານເທື່ອຄົນ, ເພີ່ມຂຶ້ນ 20,7% ທຽບໃສ່ໄລຍະດຽວກັນຂອງປີ 2017.
 |
